شہید نواب اکبر بگٹی نے اپنی جان دے کر یہ ثابت کیا کہ آزادی اور وقار جدوجہد کبھی رائیگاں نہیں جاتی۔ ایڈوکیٹ صادق رہیسانی

شہید نواب اکبر بگٹی نے اپنی جان دے کر یہ ثابت کیا کہ آزادی اور وقار جدوجہد کبھی رائیگاں نہیں جاتی۔

ایڈوکیٹ صادق رہیسانی

ڈاڈا نواب اکبر خان بگٹی شہید بلوچستان کی تاریخ کے ان رہنماؤں میں شمار ہوتے ہیں جنہوں نے اپنی پوری زندگی بلوچ قوم کی شناخت، خودداری اور آزادی کے لیے وقف کی۔ وہ نہ صرف ایک بااثر سردار تھے بلکہ ایک جرات مند اور نڈر سیاست دان بھی تھے، جنہوں نے ہر دور میں بلوچستان کے حقوق کی آواز بلند کی۔

شہید ڈاڈا اکبر بگٹی نے اپنی سیاسی بصیرت اور عملی جرات کے ذریعے یہ واضح کیا کہ بلوچ قوم اپنی سرزمین اور وسائل پر خود اختیار رکھتی ہے۔ انہوں نے ہمیشہ اس بات پر زور دیا کہ بلوچستان پر کسی بھی قسم کا قبضہ یا جبر ناقابلِ قبول ہے، اور خاص طور پر پنجابی کی بالادستی کے خلاف وہ ڈٹ کر کھڑے رہے۔

ان کی جدوجہد محض قبائلی یا ذاتی حیثیت تک محدود نہیں تھی بلکہ ایک قومی تحریک کی شکل اختیار کر گئی۔ وہ جانتے تھے کہ بلوچ قوم کو اپنے وسائل، ثقافت اور شناخت کے تحفظ کے لیے قربانیاں دینی ہوں گی، اور انہوں نے خود اپنی جان دے کر یہ ثابت کیا کہ آزادی اور وقار کی جدوجہد کبھی رائیگاں نہیں جاتی۔