بلوچستان میں فائرنگ اور پرتشدد واقعات، 4 افراد ہلاک

بلوچستان میں فائرنگ اور پرتشدد واقعات، 4 افراد ہلاک

کوئٹہ میں مبینہ پولیس مقابلے میں 2 افراد ہلاک، تربت میں فائرنگ سے ایک شخص جاں بحق، پنجگور سے گولیوں سے چھلنی لاش برآمد

کوئٹہ کے ٹیکسی اسٹینڈ کے قریب مبینہ پولیس مقابلے میں دو افراد ہلاک ہوگئے، جبکہ ضلع کیچ کے علاقے دشت اچانک بازار میں نامعلوم مسلح افراد کی فائرنگ سے ایک شخص جان کی بازی ہار گیا۔ دوسری جانب پنجگور کے علاقے چککول کے قریب ایک شخص کی گولیوں سے چھلنی لاش برآمد ہوئی ہے۔

پولیس کے مطابق کوئٹہ میں مبینہ مقابلہ اس وقت پیش آیا جب مسلح افراد شہریوں کو لوٹ رہے تھے اور پولیس کی آمد پر فائرنگ کا تبادلہ ہوا۔ ادھر دشت میں موٹرسائیکل سوار حملہ آوروں نے حمل ولد حمید کو فائرنگ کرکے قتل کردیا، جبکہ پنجگور سے برآمد ہونے والی لاش کی شناخت حبیب پروم کے نام سے ہوئی ہے۔ دونوں واقعات کی وجوہات تاحال معلوم نہیں ہوسکیں اور تحقیقات جاری ہیں۔