زیارت: مسلح حملہ، 9 پولیس اہلکار ہلاک، 20 لیویز اہلکاروں کے مبینہ اغوا پر احتجاج، شاہراہ بند

زیارت: مسلح حملہ، 9 پولیس اہلکار ہلاک، 20 لیویز اہلکاروں کے مبینہ اغوا پر احتجاج، شاہراہ بند

بلوچستان کے ضلع زیارت کے علاقے کچھ مانگی فیز تھری میں مسلح حملے کے نتیجے میں 9 پولیس اہلکار ہلاک ہو گئے ہیں۔

ضلعی انتظامیہ کے مطابق حملے میں ہلاک ہونے والے اہلکاروں کی لاشیں ڈی ایچ کیو ہسپتال زیارت منتقل کر دی گئی ہیں۔ پولیس کا کہنا ہے کہ حملہ پولیس اہلکاروں کو نشانہ بنا کر کیا گیا، جبکہ گزشتہ رات سے علاقے میں مسلح افراد اور پولیس کے درمیان فائرنگ کا سلسلہ جاری تھا۔

دوسری جانب، زیارت میں نامعلوم مسلح افراد کی جانب سے لیویز چوکی سے 20 اہلکاروں کے مبینہ اغوا کے بعد علاقے میں شدید کشیدگی پائی جا رہی ہے۔

واقعے کے خلاف شہریوں اور مغوی اہلکاروں کے لواحقین نے زیارت کراس پر احتجاجی دھرنا دے دیا، جس کے باعث شاہراہ ہر قسم کی ٹریفک کے لیے بند ہو گئی ہے۔

شاہراہ کی بندش کے باعث خواتین، بچوں، مریضوں اور دیگر مسافروں کو شدید مشکلات کا سامنا ہے، جبکہ دونوں اطراف گاڑیوں کی طویل قطاریں لگ گئی ہیں۔

مظاہرین نے مطالبہ کیا ہے کہ مغوی اہلکاروں کی فوری اور محفوظ بازیابی کو یقینی بنایا جائے اور واقعے میں ملوث عناصر کے خلاف مؤثر کارروائی کی جائے۔