بلوچستان: خاتون سمیت پانچ افراد جبری گمشدگی کا شکار

بلوچستان: خاتون سمیت پانچ افراد جبری گمشدگی کا شکار

بلوچستان میں جبری گمشدگیوں کے مزید پانچ نئے کیسز رپورٹ ہوئے ہیں، جن میں ایک کم عمر طالبہ، ایک 11 سالہ طالب علم اور ایک محکمہ صحت کا ملازم شامل ہیں۔ اطلاعات کے مطابق پانچوں افراد کو مختلف علاقوں سے پاکستانی فورسز نے حراست میں لینے کے بعد لاپتہ کردیا۔

تفصیلات کے مطابق 16 سالہ رضوانہ دختر گل جان، سکنہ مستونگ، جو فرسٹ ایئر کی طالبہ ہیں، کو 28 جون 2026 کی رات تقریباً 10 بجے کوئٹہ کے علاقے سریاب سمنگلی روڈ سے سی ٹی ڈی اہلکاروں نے حراست میں لیا۔

دوسرے واقعے میں 11 سالہ چاکر ولد مجید مراد، سکنہ بلیدہ، ضلع کیچ، کو 17 جولائی 2026 کی شام تقریباً 8 بجے ان کے آبائی علاقے بلیدہ سے ایف سی اہلکاروں نے حراست میں لینے کے بعد لاپتہ کردیا۔

اسی روز ایک اور واقعے میں 27 سالہ دلشاد بلوچ ولد نظر محمد، سکنہ ضلع کوہلو، جو بی ایچ یو میں بطور ویکسینیٹر خدمات انجام دے رہے تھے، کو 17 جولائی 2026 کی رات تقریباً ایک بجے ڈیرہ بگٹی کے علاقے بائیکر سے سرکاری امن فورس نے حراست میں لیا، جنہیں بعد ازاں سی ٹی ڈی کے حوالے کیے۔

موصولہ اطلاعات کے مطابق گوادر کے علاقے جیونی پانوان کے رہائشی اعظم بلوچ ولد احمد، عمر 80 سال، پیشے کے لحاظ سے کسان ہیں۔ انہیں 11 جولائی 2026 کو شام تقریباً 4 بجے ان کے گھر سے پاکستانی فوج نے حراست میں لینے کے بعد لاپتہ کردیا۔

اطلاعات کے مطابق ضلع مستونگ کلی کاریز کمال کے رہائشی زاہد بلوچ ولد حاجی عبد الکریم، عمر 19 سال، جو ایک طالب علم ہیں، کو 5 جولائی 2026 کو شام 7 بجے چونگی کراس، مستونگ سے ایف سی اہلکاروں نے حراست میں لینے کے بعد جبری طور پر لاپتہ کردیا۔

متاثرہ خاندانوں کا کہنا ہے کہ دونوں افراد کو حراست میں لیے جانے کے بعد سے ان کے بارے میں کوئی اطلاع فراہم نہیں کی گئی۔