امریکی بحریہ نے آبنائے ہرمز کو بارودی سرنگوں سے صاف کردیا۔ ٹرمپ 

امریکی بحریہ نے آبنائے ہرمز کو بارودی سرنگوں سے صاف کردیا۔ ٹرمپ

واشنگٹن: امریکی صدر ڈونلڈ ٹرمپ نے دعویٰ کیا ہے کہ امریکی بحریہ نے آبنائے ہرمز کو بارودی سرنگوں سے مکمل طور پر صاف کردیا ہے اور اس وقت آبنائے کا کنٹرول صرف امریکا کے پاس ہے۔

ٹرمپ نے اوول آفس میں صحافیوں سے گفتگو کرتے ہوئے کہا کہ امریکی بحریہ نے آبنائے ہرمز کے پورے علاقے کو بارودی سرنگوں سے صاف کیا ہے۔

انہوں نے کہا کہ "اس وقت آبنائے ہرمز کا کنٹرول صرف امریکی بحریہ کے پاس ہے” اور امریکا کی جانب سے عائد ناکہ بندی ناقابلِ تسخیر رہی ہے۔

ٹرمپ کے مطابق آبنائے ہرمز میں بارودی سرنگوں کے خطرے سے نمٹنے کے لیے امریکی بحریہ نے کارروائی کی ہے، تاہم تازہ رپورٹس کے مطابق تجارتی بحری جہازوں کی آمدورفت ابھی مکمل طور پر معمول پر نہیں آئی۔

آبنائے ہرمز دنیا کی اہم ترین بحری گزرگاہوں میں شمار ہوتی ہے اور خلیج فارس سے عالمی منڈیوں تک تیل کی ترسیل کے لیے انتہائی اہم راستہ ہے۔