بلوچستان: ریاستی جرائم کی پردہ پوشی کے لئے فورسز نے انٹرنیٹ سروس بند کر دی

بلوچستان میں ریاستی جرائم کی پردہ پوشی کے لئے فورسز اور خفیہ اداروں نے انٹر نیٹ سروس معطل کردی ہے۔
جس کا بنیادی مقصد ریاستی سطح پر جبر وتشدد اور اپنے جرائم کو دنیا کے سامنے آشکار کرنے سے روکنا ہے ۔
بلوچ یکجہتی کمیٹی نے جاری بیان میں کہا ہے کہ جبری گمشدگیوں کے واقعات میں تیزی سے اضافہ ہو رہا ہے بیان میں کہا گیا ہے کہ صرف گزشتہ ماہ جبری گمشدگیوں کے 127 کیسز ریکارڈ کیے گئے۔ جبکہ ایسے واقعات کی رپورٹنگ کو روکنے کے لیے انٹرنیٹ سروسز بند کر دی گئی ہیں۔ چونکہ بلوچستان کا بیشتر حصہ پہلے ہی انٹرنیٹ اور موبائل ڈیٹا سروسز تک رسائی کا فقدان ہے، اس لیے بڑے خطوں میں ڈیٹا سروسز کی بندش بلوچستان میں ریاستی حکام کی جانب سے انسانی حقوق کی خلاف ورزیوں کے بارے میں معلومات کو سنسر کرنے کی کوشش معلوم ہوتی ہے۔
فوجی اداروں کو بلوچستان میں مظالم بلوچ عوام پر ننگی جارحیت اور آپریشن کے الزامات کی حقائق سے منہ چھڑانے کا کوئی اورراستہ نہیں ملا۔
ہم انسانی حقوق کے علمبرداروں اور تنظیموں پر زور دیتے ہیں کہ وہ ایسے بھیانک جرائم کے خلاف سنجیدہ کارروائی کریں۔ بلوچ عوام کو انسانی حقوق کی شدید خلاف ورزیوں کا سامنا ہے اور ان کی نسل کشی کی جا رہی ہے۔ بلوچستان میں ایسا خاندان یا گھرانہ ملنا مشکل ہے جو ریاستی جبر سے متاثر نہ ہوا ہو۔