‏شارول مناں پہل مکن °مہری بلوچ°

‏شارول مناں پہل مکن
°مہری بلوچ°

شارول من نبشتءَ کارے نیاں او نہ من مزنیں زانتکار جہدکارءِ آں اے منی زندے اولی رند نہ انت کہ من نبشتءَ کنگءَ آں من باز چیز نبشت کتگ وتی ہما نہ ترس ایں او پرمڈائیں جھدکاراں کہ وتی سرجمیں زند او وشئ پہ راجء ماتیں ڈگارے رکینگءَ ندر کتگ آں
شارول انچو کہ من ترا گشت کہ من زانتکار ء نبشتءَ کارے نہ آں منی نبشتگ آں باز ردی مان بیت پمیشکء من ساریءَ چہ تو پہلی لوٹاں
من زاناں شارول تو جیہڑگءَ اے کہ اگاں من نبشتکارے نیاں گڈا چیا من نبشتءَ کنگ آں !
شارول من ھم لوٹ آں کہ اے کارا پہ ھما زانتکار ء زبان بلد ایں مردومءَ یل بکناں بلے شارول باز رندا نزاناں چیا تئ پیم ایں مردومانی کہ ترانگ کپ آں گڈا دل ءَ او دست آں داشت نکناں
شارول اے منی زندءِ اول نبشتءَ انت کہ من ایشیا مردومانی او وتی گٹ گیہریں چاگردءِ دیمءَ ہارگ لوٹ آں
چیا کہ شارول منی لوٹ انت کہ ترا اے سر بیبیت
شارول اے منی بد بھتی ایں کہ من ترا دیم پہ دیمیَٔ ندیستگ بس من تی عکس چہ سوشل میڈٰیا جتءَ جتائیں جاگہ او جتائیں دروشمءَ دیستگ انت
مناں تی سرجم دیستگ ایں عکس پہ جوان ایں رنگءَ یات اَنت
ہر وھدءَ کہ من مات سیمہ ۓِ عکس دیستگ کہ ھا پہ وتی بیگوائیں بلوچ برات او زاھگانی آجوئی لوٹءَ کنگءَ بیتگ روڈانی سرءَ یا ھما احتجاجی کیمپانی تہا سردی بیتگ یا کہ گرم شارول من دیستگ کہ تو مات سیمہ ۓِ گوناں ھوار بیتگءِ من کہ ترا دیستگ گڈا نزاناں باریں چیا یک آہ چہ دلءَ دراتکگ کہ اے زالم ایں ریاستءَ چہ مارا باز چیز پل ایتگ بلے چہ ترا اے ریاست زندے دروستاں چے شوک تریں چیزءَ پلگ انت
ہا تی کسانی ءِوھد انت کہ تو اے عمر گوں وتی ماتءَ احتجاجی کیمپ او روڑانی سرا گوزینگءَ اے شارول تو انی بلکیں نزانے کہ تی اے حالتِ زمدار کہ انت!
بیت کنت ترا گشگ بیت کہ ایشی اے زمدار اے ریاست او ریاستی دلار انت
بلے شارول یک گپ من ترا گوشاں کہ تہنا ریاست نہ انت من او منی پیم ایں گنگ او ترسوکیں مردوم ھم تی کسانی اے شوکیں ساہتانی روڈانی سرا گوں لہتیں بے ساہ ایں عکسانی گومءَ ندگءِ زمدار انت۔

منی شارول مناں پہل مکن کہ من پہ وتی جندے گاریءِ ترسءَ تی کش روڑانی سرا ندگ نیا آں
منی شارول مناں پہل مکن کہ منی گنگی تی کودکی اے دوشمن انت۔۔۔