بلوچوں کو متحد کرنے پر بہنوں ماؤں بھائیوں اور بچوں کو سلام. خان آف قلات میر سلیمان داود احمد زئی

بلوچوں کو متحد کرنے پر بہنوں ماؤں بھائیوں اور بچوں کو سلام. خان آف قلات میر سلیمان داود احمد زئی

لندن : خان آف قلات میر سلیمان دائود احمد زئی نے اپنے حالیہ بیان میں کہا ھے کہ بلوچوں کو متحد کرنے پر بہادر ، نڈر ماؤں بہنوں بھائیوں کو میں ذاتی طور پہ سلام پیش کرتا ھوں کیونکہ ستر سالوں میں کوئی بلوچوں کو متحد اس طرح نہیں کرسکا جس طرح میرے بہنوں ، ماؤں ، بیٹوں بزرگوں کی حالیہ جدوجہد نے کر کے دکھایا ۔

میر سلیمان داود احمد زئی نے کہا کہ ماما قدیر ، نصراللہ بلوچ ، بلوچ مسنگ پرسنز اور بلوچ یکجہتی کمیٹی کی حالیہ کاوشوں نے بلوچوں کی اتحاد ، سوچ اور جدوجہد میں ایک نئی امنگ اور جذبہ کو بیدار کیا ہے جس کی ضرورت شاید بلوچ قوم بشمول مجھ کو صدیوں سے تھا۔

خان آف قلات نے کہا کہ بلوچوں کو بیدار کرنے میں پاکستان کے غلام سوچ اور مظالم نے بہت بڑا کردار اداکیا ، کیونکہ غیور اور مہذب اقوام میں عورت کا مقام افضل اور اعلئ ہوتا ہے مگر پاکستان کے اسٹیبلشمنٹ نے جو مظالم ہمارے معصوم عورتوں ، بچوں سمیت دوسرے معصوموں پہ ڈھائے اس نے پاکستان اور دنیا کے تمام بلوچوں سمیت دوسرے لوگوں میں شعور اور غیرت کو اجاگر کرنے میں بھرپور کردار ادا کیا ۔

کیونکہ ماہ رنگ بلوچ ، سمی دین بلوچ، حفضہ بلوچ ، صبغت اللہ بلوچ عرف شاہ جی بلوچ ، ڈاکٹر شہزاد اور بلوچ یکجہتی کمیٹی کے دوسرے اراکین نے جس انداز سے پاکستان اور ان کے مظالم، عدلیہ اور زر خرید میڈیا اور صحافیوں کو نہ صرف دنیا کے سامنے عیاں کیا بلکہ بلوچستان ، سندھ ، پنجاب ، سمیت تمام دنیا کے بلوچوں ، پشتون ، سندھیوں اور دوسرے مظلوم اقوام کے لوگوں کو متحد کرنے کے ساتھ ساتھ پنجاب پاکستان سمیت تمام امن پسند ، انسانی حقوق سے وابستہ لوگوں کی ھمدردیاں بھی حاصل کی اور یہی وجہ تھی کہ ملالہ، گریتا کی آوازوں سمیت دنیا کے تمام بڑے جرائد نے اس حالیہ تحریک کو نہ صرف نمایاں اجاگر کیا بلکہ جو مظالم اسلام آباد میں معصوم بلوچوں پہ کیے وہ دنیا کے سامنے رکھ دیے۔

خان آف قلات نے ذاتی طور پر غیور پشتون عوام کا اپنے بلوچ ماؤں بہنوں بھائیوں کا ساتھ دینے اور ان سے ھمدردی کی سنھرے الفاظ میں تعریف کی۔ خان آف قلات نے بلوچ ، سندھی ، پشتون ، دوسرے اقوام کے صحافیوں ، انسانی حقوق کے کارکنوں ، اداروں ، عام لوگوں کے ساتھ ساتھ پنجاب کے اصول پرست صحافیوں اور ھمدردوں کا تہ دل سے شکریہ ادا کیا ۔

خان آف قلات میر سلیمان داود احمد زئی نے مزید کہا کہ پاکستان اور ایران دونوں سکے کے دو رخ ہیں دونوں کی اسٹیبلشمنٹ ظالم اور فاشسٹ ہیں دونوں ملکوں کے عوام ان کے مظالم اور فاشزم کے ملبے تلے عرصہ دراز سے گھٹن محسوس کرتے ھیں اور ملک میں حقیقی آزادی اور انسانی حقوق کی پامالی کے لیے جدوجھد میں مصروف ھیں

خان آف قلات نے حالیہ ایران اور پاکستان کے ایک دوسرے پہ حملے کے حوالے سے کہا کہ ایران اور پاکستان نے جس بے شرمی اور بے حیائی سے بین القوامی قوانین کو بالائے تاک رکھ کر معصوم بلوچوں کا قتل عام کیا اس کی جتنی مذمت کی جائے کم ہے اور دنیا کے مہذب ممالک کو دونوں ظالم ممالک کو انصاف کے کٹھرے میں لانا ھوگا کیونکہ دونوں ممالک کے اسٹیبلشمنٹ بلوچوں سمیت دنیا کے امن کے لیے خطرہ ھیں اور دونوں ممالک استعمار کے پیدائش ھیں

خان آف قلات نے آخر میں مزید کہا کہ پاکستان کے حالیہ انتخابات ماضی کے برعکس ایک اور مذاق ھے کیونکہ پاکستان سمیت دنیا جانتی ھے کہ اصل حکمرانی پاکستان کے اسٹیبلشمنٹ کے پاس ھے اور یہ سیاستدان ، بلوچستان کے وہ قوم پرست جو اس ربڑ اسٹیمپ پارلیمنٹ پہ یقین کرتے ھیں سب کے سب کے ڈوریں راولپنڈی کے اصل حکمرانوں سے ملتے ھیں اور سب کے سب وہاں سے کنٹرول ھوتے ھیں یہی وجہ ھے میں اپنے بلوچستان کے تمام بلوچوں سے یہ التجاکرتا ھوں کہ کوئی بھی آنے والی الیکشن میں ووٹ دینے نہ جائے اور مکمل طور پہ نام نہاد الیکشن کا بائیکاٹ کریں اور ایک واضح پیغام دنیا کو دیں اور بتائیں کہ بلوچ اپنا ایک آزاد وطن چاہتے ھیں اور اگر کسی کو شک ھے وہ ریفرنڈم کرکے دیکھ لیں۔