بلوچ طلباء کی جبری گمشدگیوں کے خلاف کوئٹہ میں احتجاج کیا جاۓ گا۔ بلوچ یکجہتی کمیٹی

بلوچ طلباء کی جبری گمشدگیوں کے خلاف کوئٹہ میں احتجاج کیا جاۓ گا۔ بلوچ یکجہتی کمیٹی

بلوچ یکجہتی کمیٹی نے بلوچ طلباء کی جبری گمشدگیوں کے تسلسل کو برقرار رکھنے پر افسوس کا اظہار کرتے ہوئے کہا کہ طلباء کی تحفوظ اور حفاظت کی زمہ داری است کی سیکورٹی اداروں پر عائد ہوتی ہے لیکن بلوچستان میں حالات یکسر طور پر مختلف ہیں اور یہاں طلباء کے تحفظ کے بجاۓ ان کے استحصال اور ان کی جبری گمشدگی جیسے سنگین انسانی حقوق کی خلاف ورزیوں میں سیکورٹی ادارے ملوث ہیں ۔ حکومت، عدلیہ اور میڈیا سمیت تمام ادارے طلباء کے حقوق کی حفاظت میں مکمل طور پر ناکام اور کسی نیکسی شکل میں اس سنگین جرائم میں ریاست کے آلہ کار کی حیثیت سے کام کررہے ہیں ۔

ترجمان نے کہا کہ کیچ سے 4 جولائی کو سالم ولد عبدستار اور ایک دیگر نوجوان کو ان کے گھروں سے جبری طور پر گمشدگی کا نشانہ بنایا گیا، تین دن تک مختلف اذیتوں کے بعد اکرام کو رہا کیا گیا مگر سالم اب بھی لاپتہ ہیں اور ریاستی اداروں کے غیر قانونی قید خانے میں بند ہے ۔ جن سیکورٹی اداروں کو سالم کی تحفظ کی زمہداری لینی چاہیے تھی وہ خود اس کی جان کے دشمن بنے ہوۓ ہیں ۔سالم کو اپنے لاپتہ کزن کی بازیابی کیلئے ہونے والی جدوجہد کی پاداش میں سزا دیا جا رہا ہے۔اسی طرح ڈی جی خان ، کراچی سمیت مختلف علاقوں سے نوجوان جبری طور پر گمشدگی کے شکار بنائے گئے ہیں یہ بنیادی اور شہری حقوق کی سنگین خلاف ورزی ہے ۔ سالم سمیت معراج اسلم اور دیگر تمام لا پتہ طالب علم تعلیم کے سلسلے میں اپنے گھروں سے دور رہتے ہیں لیکن انہیں سہولیات دینے کے بجائے ریاست انہیں جبری گمشدگی کا نشانہ بنارہی ہے جو کسی المیہ سے کم نہیں ہے۔ جبری گمشدگیوں جیسے سنگین انسانی مسئلے کوحل کرنے کے بجاۓ بلوچستان سے مزید لوگوں کو اٹھایا جارہا ہے اور خوف و ہراس کا ماحول پیدا کیا جارہا ہے اس طرح کے اقدامات سے ریاست کے خلاف نفرت میں مزیداضافہ ہوتا جارہا۔

ترجمان نے بیان کے آخر میں طلباء کی جبری گمشدگیوں کے خلاف اور ان کی باحفاظت رہائی کیلئے شال ( کوئٹہ میں احتجاج کا اعلان کرتے ہوۓ عوام سے اپیل کی کہ وہ اس احتجاجی مظاہرے میں اپنی شرکت یقینی بنا کر بلوچستان میں طلباء کی جبری گمشدگیوں کے واقعات میں مسلسل اضافے کے خلاف اپنی آواز بلند کریں۔طلباء بلوچ سماج کے روشن مستقبل کی نوید ہیں انہیں اس طرح گمشدگیوں کا نشانہ بناناسنگین جرم ہے۔ جبکہ دوسری جانب ترجمان نے عبدالحمید زہری کی بازیابی کیلئے ہونے والے ٹوئٹرکمپین کی حمایت کرتے ہوۓ عوام سے شرکت کی اپیل کی ہے ۔