‏بلوچ وائس فار جسٹس بلوچستان میں تعلیم، شعور اور آزادیٔ اظہار پر جاری جبر کی سخت مذمت کرتا ہے۔

‏بلوچ وائس فار جسٹس بلوچستان میں تعلیم، شعور اور آزادیٔ اظہار پر جاری جبر کی سخت مذمت کرتا ہے۔

کتابیں انسانی معاشرت کی بنیاد ہیں جو نہ صرف معلومات کا ذریعہ ہیں بلکہ ذہنوں کو جلا بخشتی ہیں اور فکری آزادی کی علامت سمجھی جاتی ہیں۔ بلوچستان میں کتابی اسٹالز پر حملہ ایک سنگین کوشش ہے تاکہ یہاں کے لوگوں کی سوچ اور آگاہی کو دبایا جا سکے۔

بیان میں مزید کہا گیا ہے کہ بلوچ اسٹوڈنٹس ایکشن کمیٹی "بلوچستان کتاب کارواں” کے تحت کتابوں کی فراہمی کے ذریعے نوجوانوں میں شعور اور بیداری پیدا کرنے کی کوشش کر رہی ہے لیکن ریاستی فورسز ان کا راستہ روکنے کے لیے کتابیں ضبط کر کے اور طلبہ کو گرفتار کر کے انہیں دبانے کی کوشش کر رہے ہیں۔ گوادر، نصیر آباد، بارکھان، ڈیرہ غازی خان اور لسبیلہ میں کتابوں کو بغاوت پر مبنی قرار دے کر ضبط کرنا ایک سنگین حملہ ہے جو نہ صرف کتابوں بلکہ ہمارے حقِ تعلیم اور فکری آزادی پر بھی ہو رہا ہے۔

کتابیں کسی بھی قوم کی ترقی کے لیے ضروری ہیں اور ان کا گم ہونا یا ان پر پابندیاں لگانا ایک قوم کو ذہنی طور پر غلام بنانے کی کوشش ہے۔ طلبہ کو طویل عرصے سے جبری گمشدگیوں کا سامنا ہے اور اب کتابوں کو بھی لاپتہ کرنے کی کوشش کی جا رہی ہے۔ یہ صورتحال نہ صرف بلوچستان بلکہ پورے معاشرے کے لیے ایک سنگین خطرہ ہے جہاں تعلیم، شعور اور فکری آزادی کو دبایا جا رہا ہے۔