تجابان پنجگور تربت حملوں میں قابض فوج کے 8 اہلکار ہلاک، جاسوسی آلات تباہ– بی ایل اے

تجابان پنجگور تربت حملوں میں قابض فوج کے 8 اہلکار ہلاک، جاسوسی آلات تباہ– بی ایل اے

بلوچ لبریشن آرمی کے ترجمان جیئند بلوچ نے میڈیا کو جاری بیان میں کہا کہ ہمارے سرمچاروں نے تجابان، پنجگور اور تربت میں قابض پاکستانی فوج اور اس کے جاسوسی آلات کوحملوں میں نشانہ بنایا۔ قابض فوج پر آئی ای ڈی اور مسلح حملے کیئے گئے ہیں۔

ترجمان نے مزید کہاکہ بلوچ لبریشن آرمی کے سرمچاروں نے تئیس دسمبر کو کیچ کے علاقے تجابان میں قابض پاکستانی فوج کے ایک پوسٹ کو حملے میں نشانہ بنایا، سرمچاروں نے خودکار ہتھیاروں کا استعمال کیا اور گرنیڈ لانچر سے قابض فوج کی پوزیشنوں پر متعدد گولے داغے گئے۔ حملے کے دوران قابض فوج کے دو اہلکار موقع پر ہلاک ہوگئے اور اسے مزید نقصانات کا سامنا کرنا پڑا۔ سرمچاروں نے کیمپ میں نصب سرویلنس کیمروں کو بھی تباہ کردیا۔

جیئند بلوچ نے کہاکہ بی ایل اے کے سرمچاروں نے پچیس دسمبر کو پنجگور کے علاقے کاٹگری میں سی پیک روٹ پر قابض پاکستانی فوج کی ایک گاڑی کو اس وقت ریموٹ کنٹرول آئی ای ڈی حملے میں نشانہ بنایا، جب وہ مختلف مقامات سے اپنے اہلکاروں کو پکٹ سیکیورٹی کے بعد واپس لے جارہی تھی، دھماکے کے نتیجے میں قابض فوج کے چھ اہلکار ہلاک اور مزید چار زخمی ہوگئے جبکہ ان کی گاڑی کو شدید نقصان پہنچا۔

آخر میں ترجمان نے بتایا کے بلوچ لبریشن آرمی کے سرمچاروں نے آج تربت کے علاقے ڈنک میں قابض پاکستانی فوج کے زیر استعمال مواصلاتی ٹاور کو دھماکہ خیز مواد نصب کرکے تباہ کردیا اور اس پر نصب جاسوس کیمروں کو بھی نشانہ بنایا گیا، جو فعال تھے۔

بلوچ لبریشن آرمی ان حملوں کی ذمہ داری قبول کرتی ہے۔