تربت کے بعد بلیدہ بھی نشانہ؛ ڈیتھ اسکواڈ کی مبینہ سرگرمیاں بڑھ گئیں

بلوچستان کے ضلع کیچ کے علاقے بلیدہ میں گزشتہ رات نامعلوم افراد نے ایک گھر کو بم دھماکے کا نشانہ بنایا۔

اطلاعات کے مطابق رات تقریباً گیارہ بجے پیر بخش نامی شخص کے گھر پر حملہ کیا گیا۔ مقامی ذرائع کا کہنا ہے کہ حملہ آور تین موٹر سائیکلوں میں سوار ہو کر گاؤں پہنچے اور گھر کے اندر بم پھینکا۔

ذرائع کے مطابق یہ حملہ ایک ایسے گروہ کی جانب سے کیا گیا جسے عام طور پر "ڈیتھ اسکواڈ” کہا جاتا ہے۔ بتایا جاتا ہے کہ یہ گروہ حکومتی سرپرستی میں کام کرتا ہے اور حالیہ برسوں سے بلوچستان کے مختلف علاقوں میں سرگرم ہے۔

دھماکے کے نتیجے میں کسی جانی نقصان کی اطلاع نہیں ملی تاہم جانوروں کے زخمی ہونے کی اطلاعات موصول ہوئی ہے۔

یاد رہے کہ اسی ماہ کیچ کے مرکزی شہر تربت میں بھی ایک ایسے ہی حملے میں خواتین زخمی ہوئے تھے، جبکہ تمپ سمیت دیگر علاقوں میں بھی گھروں پر حملے رپورٹ ہو چکے ہیں۔