زبیر بلوچ کا قتل نوآبادیاتی جبر کی پالیسی کا حصہ ہے، میر جاوید مینگل

زبیر بلوچ کا قتل نوآبادیاتی جبر کی پالیسی کا حصہ ہے، میر جاوید مینگل

بلوچ آزادی پسند رہنما میر جاوید مینگل نے ایکس پر جاری اپنے بیان میں کہا ہے کہ بلوچستان میں بلوچ سیاسی کارکنوں کو منظم طور پر نشانہ بنایا جا رہا ہے۔ انہوں نے کہا کہ بی ایس او کے سابق چیئرمین زبیر بلوچ کا بہیمانہ قتل اس بات کا واضح ثبوت ہے کہ ریاست بلوچ کے ہاتھ میں قلم بھی برداشت نہیں کرتی۔

میر جاوید مینگل کا کہنا تھا کہ زبیر بلوچ ایک نظریاتی، باشعور اور بےباک سیاسی کارکن تھے جن کی قوم سے وابستگی ریاست کے لیے ناقابلِ قبول تھی۔ انہوں نے مزید کہا کہ زبیر بلوچ کا قتل نوآبادیاتی جبر کی اس پالیسی کا تسلسل ہے جو برسوں سے بلوچ عوام پر مسلط ہے۔