قابض ریاست کے پاس قیدیوں کے تبادلے کیلئے محض 24 گھنٹے باقی – بی ایل اے

بلوچ لبریشن آرمی کے ترجمان جیئند بلوچ نے میڈیا کو جاری بیان میں کہا ہے کہ سرمچاروں نے گزشتہ 24 گھنٹوں سے جعفر ایکسپریس اور اس میں موجود یرغمالیوں پر مکمل کنٹرول برقرار رکھا ہے۔ 200 سے زائد دشمن اہلکار، جن میں انٹیلی جنس ایجنٹس، پولیس اور پیرا ملٹری فورسز شامل ہیں، بی ایل اے کی تحویل میں ہیں۔ یہ افراد ریاستی دہشت گردی، جبری گمشدگیوں، ماورائے عدالت قتل اور بلوچ سرزمین پر قومی وسائل کی لوٹ مار میں براہ راست ملوث ہیں۔

بین الاقوامی جنگی قوانین اور انسانی حقوق کو مدنظر رکھتے ہوئے، بی ایل اے نے پاکستانی ریاست کو قیدیوں کے تبادلے کے لیے 48 گھنٹے کا الٹی میٹم دیا تھا۔

تاہم، قابض ریاست کی ضد، بے حسی اور مسلسل تاخیری حکمت عملی سے یہ ثابت ہوتا ہے کہ پاکستان اپنے فوجی اہلکاروں کی جانوں کو بچانے کے لیے سنجیدہ نہیں ہے۔ اس کے بجائے، پاکستان روایتی منافقت اور بے پرواہی کا مظاہرہ کر رہا ہے۔

اب ایک دن گزر چکا ہے اور قابض ریاست کے پاس صرف 24 گھنٹے باقی ہیں۔ اگر پاکستان دیے گئے الٹی میٹم کے اندر قیدیوں کے تبادلے پر عملی پیشرفت نہیں کرتا تو تمام یرغمالیوں کو بلوچ قومی عدالت کے سامنے پیش کیا جائے گا۔ وہاں ان پر ریاستی مظالم، نوآبادیاتی قبضہ، نسل کشی، استحصال اور بلوچستان میں جنگی جرائم میں ملوث ہونے کے الزامات پر مقدمہ چلایا جائے گا۔ یہ مقدمہ فوری، غیر جانبدار اور شفاف ہوگا اور اگر یہ افراد مجرم پائے گئے تو ان مجرموں کو بلوچ قومی قوانین کے تحت سزا دی جائے گی۔

اگر پاکستان اور اس کے فوجی ادارے سمجھتے ہیں کہ وہ تاخیری حربوں اور مصنوعی پروپیگنڈے کے ذریعے اس صورتحال کو قابو کر سکتے ہیں تویہ ان کی سنگین غلط فہمی ہے ۔ بی ایل اے کے پاس ہر اعلان پر مکمل عمل درآمد کرنے کی طاقت، صلاحیت اور عزم ہے۔

ترجمان نے کہاکہ یہ حقیقت واضح ہو چکی ہے کہ پاکستانی فوج کو نہ اپنے اہلکاروں کی جانوں کی پرواہ ہے اور نہ ہی وہ مذاکرات کی سنجیدہ کوشش کر رہی ہے۔ اگر یہی رویہ برقرار رہا، تو مہلت ختم ہونے کے بعد ہر گزرتے گھنٹے کے ساتھ پانچ یرغمالیوں کو بلوچ قومی عدالت کے فیصلے کے مطابق سزا دی جائے گی۔

مزید کہاکہ بی ایل اے دشمن کو آخری موقع دے رہی ہے کہ وہ پروپیگنڈہ چھوڑ کر زمینی حقائق کو تسلیم کرے، مصنوعی بیانیے گھڑنے کے بجائے حقیقت کا سامنا کرے، اور قیدیوں کے تبادلے کے لیے عملی اقدامات کرے۔ بصورت دیگر، بلوچ قومی مزاحمت کے فیصلے ناقابلِ واپسی ہوں گے، اور ہر لمحہ دشمن کے لیے مزید سنگین نتائج لے کر آئے گا۔