پسنی ٹریفک حادثہ، ایک نوجوان جاں بحق، ایک زخمی

پسنی ٹریفک حادثہ، ایک نوجوان جاں بحق، ایک زخمی

پسنی: گزشتہ رات دو بجے کے قریب ایک تیز رفتار کرولا گاڑی الٹ گئی، جس کے نتیجے میں آصف لقمان نامی نوجوان موقع پر ہی جاں بحق ہوگئے جبکہ ان کا ساتھی شدید زخمی ہوگیا۔ زخمی کو ابتدائی طبی امداد دینے کے بعد تشویشناک حالت میں کراچی منتقل کردیا گیا۔

مقامی ذرائع کے مطابق آصف لقمان کا تعلق تربت کے علاقے چاہسر سے تھا اور وہ اپنی گاڑی پر تربت آرہے تھے کہ یہ حادثہ پیش آیا۔

علاقہ مکینوں کا کہنا ہے کہ پسنی اور تربت کو ملانے والی سڑک کی خستہ حالی اور عدم مرمت کے باعث اس نوعیت کے حادثات معمول بن چکے ہیں، جن میں آئے روز قیمتی جانیں ضائع ہو رہی ہیں۔