انجینئرنگ یونیورسٹی خضدار میں احتجاج پر بیٹھے طلباء پر پولیس تشدد اور گرفتاریاں قابل مذمت ہیں۔ بلوچ اسٹوڈنٹس ایکشن کمیٹی

انجینئرنگ یونیورسٹی خضدار میں احتجاج پر بیٹھے طلباء پر پولیس تشدد اور گرفتاریاں قابل مذمت ہیں۔
بلوچ اسٹوڈنٹس ایکشن کمیٹی

بلوچ اسٹوڈنٹس ایکشن کمیٹی کے مرکزی ترجمان نے خضدار یونیورسٹی میں طلبا پہ پولیس کی تشدد اور گرفتاریوں پر تشویش کرتے ہوۓ کہا کہ بلوچستان بھر کے تعلیمی اداروں میں طلبا پہ طاقت کا استعمال ایک نئی روش اختیار کرتا جارہا ہے جس کی مذمت کرتے ہیں انتظامیہ کی جانب سے طلبا کے مسائل کو حل کرنے میں سنجیدگی دکھانے کے بجاۓ قانون نافذ کرنے والے اداروں کا سہارا لیکر طلبا کو ڈرانے دھمکانے ،لاٹھی چارج کرنے سمیت گرفتاریاں کروانا معمول بن چکا ہے۔ بلوچستان میں تعلیمی ادارے مسائل کا گڑھ بن چکے ہیں مالی اور انتظامی مسائل کی وجہ سے تمام بڑے ادارے بندش کا شکار ہو چکے ہیں ابھی طلباء علاوہ اساتذہ سڑکوں پر احتجاج کرتے دکھائی دیتے ہیں مگر صوبائی حکومت اور یونیورسٹی انتظامیہ ان مسائل کو سنجیدگی سے حل کرنے کے بجاۓ ہمیشہ طاقت آزمائی کرتے آ رہے ہیں ۔

انہوں نے جاری کردہ بیان میں کہا کہ انجینئرنگ یونیورسٹی کے طلبا انتظامیہ کے آمرانہ رویوں اور دیگر انتظامی مسائل کی حل کے لیے سراپا احتجاج ہیں ۔عید سے قبل یونیورسٹی انتظامیہ سے مطالبات کے حل کرنے کی یقین دھانی پر احتجاج کو موخر کر دیا گیا تھا مگر وہ سب دعوے جھوٹ کا پلندہ ثابت ہوۓ ۔انہی مطالبات کی حل کے لیے طلبا پچھلے دنوں پھر احتجاج پر آ گئے۔انتظامیہ ان مسائل کو حل کرنے کے بجاۓ ضلعی انتظامیہ کی ملی بھگت سے پر امن طلبا کے احتجاج کو سبوتاژ کرنے کی کوشش کی جس کی وجہ سے متعدد طلبا گرفتار ہوۓ جو ابھی تک پابند سلاسل ہیں۔ دوسری جانب احتجاج پر بیٹھے طلبا کو مختلف طریقوں سے ڈرایا دھمکایا جارہا ہے ،ستم ظریفی یہ ہے کہ طلبا کو شامیانے فراہم کرنے والے دکان تک کو انتظامیہ نے سیل کر دیا ہے ۔
انہوں نے اپنے بیان کیا آخر میں کہا کہ بحیثیت طلبہ تنظیم ہم یونیورسٹی طلبا کے شانہ بشانہ کھڑے ہیں احتجاج کے جمہوری اور آئینی حق کو طاقت کی زور پر چھینے کی مذمت کرتے ہیں تنظیم گرفتار طلبا کی جلد رہائی اور مطالبات پورا کرنے کی اپیل کرتی ہے ۔ بصورت دیگر تنظیم طلبا کے ساتھ اظہار یکجہتی اور انتظامیہ کی آمرانہ رویوں کے خلاف تمام تر آئینی اور جمہوری احتجاج کا حق رکھتی ہے۔