بلوچستان حکومت پروپیگنڈے کو خطے کے اہم مسائل حل کرنے پر ترجیح دے رہی ہے_ بلوچ کارکن اور صحافیوں کا انکشاف

بلوچستان حکومت مبینہ طور پر ماہانہ 5.5 ملین روپے “سوشل میڈیا ملازمین” پر خرچ کر رہی ہے یہ ملازمین بلوچ کارکنوں اور جبری گمشدگی کے شکار افراد کے خاندانوں کے خلاف غلط معلومات پھیلانے میں ملوث ہیں۔

ان ملازمین کو حکومتی سرگرمیوں کو فروغ دینے اور اختلاف رائے کا مقابلہ کرنے کا کام سونپا گیا ہے۔ یہ انکشاف آن لائن شیئر کی گئی دستاویزات سے ہوا ہے۔
ان ملازمین کا کام حکومتی اسکیموں کی تشہیر اور آن لائن بیانیوں کی نگرانی کرنا ہے۔

یہ انکشاف آن لائن شیئر کی گئی دستاویزات سے ہوا ہے۔
دستاویزات، جنہیں مبینہ طور پر وزیر اعلیٰ سیکریٹریٹ سے منسلک کیا گیا ہے، ان افراد کو دی گئی ادائیگیوں کی تفصیلات فراہم کرتی ہیں، جنہیں “سوشل میڈیا ملازمین” کے طور پر شناخت کیا گیا ہے۔
ناروے میں مقیم صحافی کیہ بلوچ نے ان اخراجات پر تنقید کرتے ہوئے کہا کہ سرفراز بگٹی کی قیادت میں حکومت ایسے افراد کو پیسے دے رہی ہے جو پرامن بلوچ حقوق کے کارکنوں اور لاپتہ افراد کے خاندانوں پر بے بنیاد الزامات عائد کرتے ہیں۔

انہوں نے یہ بھی دعویٰ کیا کہ حکومت کے ایجنڈے کی حمایت کے لیے گمنام اکاؤنٹس بنانے کی بھی حوصلہ افزائی کی جاتی ہے۔
بلوچ کارکن صبیحہ بلوچ نے بھی ان مبینہ اخراجات کی مذمت کرتے ہوئے کہا “نوآبادیاتی طاقت ہمارے وسائل سے کھربوں کی دولت نکالتی ہے، لوٹ مار اور نسل کشی کو بغیر کسی مزاحمت کے جاری رکھتی ہے۔ اپنی جرائم چھپانے کے لیے یہ پروپیگنڈے پر کروڑوں خرچ کرتی ہے۔”

واضح رہے کہ دو سال قبل 2022 میں بھی ایسی دستاویز سامنے آئیں تھیں جہاں حکومت کی جانب سے وائس آف بلوچستان اور اسکے زیر اثر چلنے والے این جی اوز اور سوشل میڈیا گروپس کو کور کمانڈر بلوچستان کی درخواست پر حکومت بلوچستان نے 37 ملین (تین کروڑ ستر لاکھ) عطا کئے تھیں۔

مذکورہ دستاویزات صحافی کیّا بلوچ کے جانب سے اکتوبر 2022 میں سامنے لائے گئے تھیں جس کے بعد کئی عوامی حلقوں سے حکومت کو عوامی پیسے این جی اوز پر خرچ کرنے کے حوالے سے شدید تنقید کی تھی۔

بلوچستان حکومت نے ان الزامات کا تاحال کوئی جواب نہیں دیا اور مذکورہ این جی اوز تاحال بلوچستان میں بحال ہیں۔