بلوچستان میں حالیہ واقعات ریاستی اداروں کے نئے پالیسیز کی کھڑی ہیں جو کہ بلوچستان کو تحبربہ گاہ بنانے ک

بلوچستان میں حالیہ واقعات ریاستی اداروں کے نئے پالیسیز کی کھڑی ہیں جو کہ بلوچستان کو تحبربہ گاہ بنانے کی واضح مثال ہے۔ بلوچ ومین فورم

بلوچ ومن فورم کے مرکزی ترجمان نے اپنے جاری کردہ بیان میں کہا کہ ریاست ایک دہائی سے بلوچ نسل کشی میں مصروف عمل ہے ، جس طرح سے ریاست نیے پالیسیز اور طریقے کار کو بلوچ نسل کشی میں متعارف کر رہا ہے شاہد دنیا میں کئی بھی اسکی مثال نہ ملے ۔ دنیا کے جنگی خطوں میں دیکھا گیا جہاں جنگی و سیاسی قیدیوں کے ساتھ اخلاقی رویہ اختیار کیا گیا، حتی الوسع پیمانے پر کوشش کی گئی کہ عام لوگوں کو محفوظ رکھا جاۓ ، لیکن بدقسمتی سے بلوچستان میں عام اور بے گناہ لوگوں کو ماوراۓ عدالت اغوا کر کے ، اپنے نئے تجربوں کے ساتھ انکی لاشیں پھینکی جاتی ہیں۔ ترجمان نے مزید کہا کہ کیچ میں فیک انکاؤنٹر میں مارے جانے والے نوجوان بالاچ بلوچ ، سیف اللہ اور شکور بلوچ پہلے سے ہی لاپتہ افراد کی فہرست میں شامل تھے، بالاچ بلوچ ولد مولا بخش کو 29 اکتوبر کی رات انہیں اپنے گھر سے سی ٹی ڈی والے جبرا اغوا کر کے لے گئے تھے لاپتہ ہونے کے بعد لواحقین کی جانب سے بھر پور احتجاج اور سوشل میڈ یا کمپین کے سبب متعلقہ ادارے پریشر میں آ کر بالاچ مولا بخش کو عدالت میں پیش کیا گیا، جہاں عدالت نے انہیں دس روزہ جسمانی ریمانڈ کے لیے جیل بھیجا، جسکے چشم دید گواہ عدالتی جج صاحب خود ہیں لیکن معلوم پڑتا ہیکہ سی ٹی ڈی ریاستی عدالت، قانون و آئین سے کئی زیادہ بااثر ہیکہ جنہیں عدالتی فیصلہ بھی قابو نہیں کر سکتا۔ پچھلے دنوں بالگتر سے تعلق رکھنے والے تین نوجوان عادل عصاء، شاہجان عصاء اور نبی بخش جن کا بھی شمار لاپتہ افراد کی فہرست میں تھا انہیں پہلے اپنے ٹارچر سیلوں میں گولی مار کر شہید کر دیا پھر انکی لاشوں کو بارود سے بھری گاڑی میں رکھ کر بم بلاسٹ کا نام دیا جو کہ عالمی دنیا اور قوموں کو گمراہ کرنے کی ایک نئی اسٹریٹیجی ہے جس سے بلوچ عوام بہ خوبی واقف ہیں۔

آخر میں ترجمان نے بلوچ قوم سے اپیل کرتے ہوئے کہا کہ تربت فداچوک پر دھرنا دیئے بالاچ شہید کے لواحقین اور انکے جسد خاکی کی مزاحمتی تحریک کا حصہ بنیں ۔ آج تربت کے باشعور لوگوں پر قومی زمہداری عائد ہوتی ہیکہ ریاستی جبر و ظلم کو آشکار کرنے کے لیے اس مزاحمت و احتجاج کو مزید توانائی دیں ۔ یہ مزاحمت ہی ہماری بقاء کی ضامن ہے۔ بلوچستان میں ریاستی اداروں نے انسانی تاریخ میں درندگی ، جبر ، ظلم و وحشت کی تاریخ رقم کی ہے ۔ یاد رکھیے اس کرب زدہ ساج میں ہماری خاموشی بھی تاریخ کے اول صفحات میں رقم ہو گی۔