بلوچستان میں پرامن احتجاج پر ریاستی جبر اور کارکناں کی شھادت پر شدید مذمت کرتے ہیں ٹر بند، پہیہ جام ہڑتال کی مکمل حمایت کا اعلان کرتے ہیں۔جیئے سندھ فریڈم موومنٹ

بلوچستان میں پرامن احتجاج پر ریاستی جبر اور کارکناں کی شھادت پر شدید مذمت کرتے ہیں ٹر بند، پہیہ جام ہڑتال کی مکمل حمایت کا اعلان کرتے ہیں۔جیئے سندھ فریڈم موومنٹ

بلوچ یکجہتی کمیٹی کے پرامن احتجاج پر ریاستی جبر اور کارکناں کی شھادت پر شدید مذمت کرتے ہیں اور بلوچستان میں کل ہونے والی شٹر بند، پہیہ جام ہڑتال کی مکمل حمایت کا اعلان کرتے ہیں۔جیئے سندھ فریڈم موومنٹ (JSFM) مرکز

جئے سندھ فریڈم موومنٹ (JSFM) بلوچ یکجہتی کمیٹی کے پرامن احتجاج پر ریاستی اداروں کے وحشیانہ حملے، فائرنگ سے دو کارکنوں کی شہادت اور متعدد افراد کے زخمی ہونے کی شدید مذمت کرتا ہے۔ یہ ریاستی دہشت گردی اور جبر کی بدترین شکل ہے، جس کا مقصد محکوم اقوام کو دبانا اور ان کے بنیادی حقوق سلب کرنا ہے۔ بلوچ عوام پر جاری مظالم، نوجوانوں کی جبری گمشدگیاں، ماورائے عدالت قتل، اور احتجاج کو طاقت کے زور پر کچلنے کی پالیسی، پاکستانی ریاست کے نوآبادیاتی عزائم کو بے نقاب کرتی ہے۔

بلوچ قوم کی قربانیاں اور ان کی حقِ آزادی کی جدوجہد ایک ناقابلِ تردید تاریخی حقیقت ہے، جسے ظلم اور بربریت سے ختم نہیں کیا جا سکتا۔ نہتے بلوچ نوجوانوں کا قتلِ عام، جبری گمشدگیاں، اور مظاہرین پر گولیاں برسانا انسانی حقوق کی سنگین خلاف ورزی ہے، جس پر عالمی برادری اور انسانی حقوق کی تنظیموں کو فوری کارروائی کرنی چاہیے۔

جیئے سندھ فریڈم موومنٹ (JSFM) بلوچ یکجہتی کمیٹی کی جانب سے دی گئی ہڑتال کی کال کی مکمل حمایت کرتا ہے اور بلوچ قوم کے ساتھ ہر محاذ پر اپنی یکجہتی کا اعلان کرتا ہے۔ سندھی قوم بلوچ عوام کی آزادی کی جدوجہد میں ان کے ساتھ کھڑی ہے اور ہر ممکن حمایت جاری رکھے گی۔ یہ وقت ہے کہ تمام محکوم اقوام ریاستی جبر کے خلاف متحد ہوکر مزاحمت کو منظم کریں اور اپنی قومی آزادی کے حصول کے لیے جدوجہد کو مزید تیز کریں۔