بلوچستان: کوئلہ کان حادثوں نے مزید دو کانکوں کی جانیں لے لی

بلوچستان میں کوئلہ کان حادثات میں میں اضافہ تشویش کا باعث ہیں ۔ بولان کی تحصیل مچھ کے علاقے گیشتری میں کوئلے کی کان بیٹھ گئی دم گھٹنے سے دو کان کن ہلاک ہوگئے ۔ مقامی ذرائع کے مطابق ضلعی انتظامیہ حادثے کے کئی گھنٹے بعد تک موقع پر نہیںں پہنچ سکی کان کنوں کی لاشیں سات گھنٹے بعد نکال لی گئیں۔

مقامی افراد نے اپنی مدد آپ کے تحت ریسکیو آپریشن میں حصہ لیا، جاں بحق کانکنوں کا تعلق خیبرپختونخواہ کے ضلع سانگلہ سے ہے انکی شناخت حمیدالرحمن اور محمد آفتاب کے نام سے ہوا ہے پوسٹ مارٹم کے بعد نعشیں ان کے آبائی علاقے روانہ کر دیئے گیے ہیں۔

بلوچستان میں درجنوں کوئلہ کانکنی کے پروجیکٹس کام کررہے ہیں جن میں ہزاروں مزدور جن کا تعلق بلوچستان سمیت دیگر شہروں سے ہیں، مختلف اوقات میں ان حادثات کا شکار رہیں جبکہ آئے روز کان حادثوں میں متعدد کانکن اپنی جان کی بازی بھی ہارگئے ہیں۔

ان کوئلہ کانوں میں کام کرنے والے مزدور یونینز، و مزدوروں کے حقوق کی تحفظ کے لئے کام کرنے والی تنظیمیں ان حادثات کی وجہ ناقص سہولیات اور مزدوروں کو فراہم کردہ غیر معیاری مواد کو قرار دیتے ہیں۔

مزدور رہنماؤں کا دعویٰ ہے کہ کوئلے کی کانیں بااثر لوگوں کی ہیں۔ حادثات کی صورت میں نہ صرف ان کے خلاف کوئی کارروائی نہیں ہوتی بلکہ ان کو سیفٹی کے لوازمات کو یقینی بنانے کا بھی پابند نہیں بنایا جاتا۔