بلوچ اسٹوڈنٹس فرنٹ کے مرکزی کمیٹی کا پانچواں اجلاس، اپریل کے مہینے میں مرکزی کونسل سیشن کا انعقاد کیا جائے گا۔ بی ایس ایف

بلوچ اسٹوڈنٹس فرنٹ

بلوچ اسٹوڈنٹس فرنٹ کے مرکزی کمیٹی کا پانچواں اجلاس، اپریل کے مہینے میں مرکزی کونسل سیشن کا انعقاد کیا جائے گا۔ بی ایس ایف

بلوچ اسٹوڈنٹس فرنٹ کے مرکزی کمیٹی کا پانچواں اجلاس زیر صدارت مرکزی چیئرمین ڈاکٹر شکیل بلوچ منعقد ہوا، اپریل کے مہینے میں مرکزی کونسل سیشن کا انعقاد کیا جائے گا۔

وقت اور حالات کی نزاکت کو مد نظر رکھ کر بلوچ قومی مفادات اور تشخص کے تحفظ کی خاطر تمام اختلافات کو پس پشت ڈال کر بلوچ نوجوانوں کو ایک متحدہ پلیٹ فارم پر ملکر جد و جہد کر ناسنگ میل ثابت ہو گا۔

بلوچ اسٹوڈنٹس فرنٹ کے مرکزی کمیٹی کا پانچواں اجلاس زیر صدارت مرکزی چیئرمین ڈاکٹر شکیل بلوچ منعقد ہوا، اجلاس میں تنظیمی سرکولر ، سابقہ کارکردگی رپورٹ، ، تنقیدی نشست، علاقائی و عالمی سیاسی صورتحال، تنظیمی امور اور آئندہ لائحہ عمل کے ایجنڈے پر سیرحاصل بحث کیا گیا۔
اجلاس میں بلوچ اسٹوڈنٹس فرنٹ کے مرکزی رہنماؤں نے اپنے خیالات کا اظہار کرتے ہوۓ کہا کہ اس وقت عالمی سیاسی منظر نامہ تیزی کے ساتھ کروٹیں بدل رہا ہے، استعماری طاقتوں کی آپسی رسہ کشی اور حصول طاقت کی بھاگ دوڑ نے کثیر قطبی سیاسی تناظر کو جنم دیا ہے جس سے نئے تعصبات ابھر رہے ہیں اور پرانے تعلقات ٹوٹ رہے ہیں ، مختلف بلاکس بن رہے ہیں، رواں سال ایران اور سعودی عرب بر کس میں شامل ہو رہے ہیں، ایک جنگی کیفیت پیدا ہوچکی ہے ایک طرف پہلے سے کوڈ 19، روس یوکرین تنازعہ نے عالمی منظر نامہ پر ایک بےچینی جنم دی ہے وہیں دوسری جانب اسرائیل فلسطین جنگ نے میڈل ایسٹ میں ایک گہما گہمی نما کیفیت پیدا کیا ہے ، ریڈ سی جہاں پر دنیا کے چالیس فیصد ٹریڈ ہوتی ہے، ایران کی حمایت یافتہ حوثی باغیوں نے کارگو شیپس پر حملہ کر کے انہیں شدید نقصان پہنچایا، مختلف ممالک میں جنگی صورتحال کسی بھی وقت عالمی جنگ کے امکانات کو بڑھا سکتے ہیں۔ انہوں نے کہا کہ بلوچستان میں جبری گمشدگیوں میں دن بہ دن اضافہ ہوتا جارہا ہے ، اس صورتحال کے اندر لوگوں میں کافی تشویش پیدا ہو رہی ہے ، کوئی بھی شخص خود کو محفوظ نہیں سمجھتا، حالیہ واقعات میں بالاچ بلوچ کی ماورائے عدالت قتل نے بلوچ عوام کو بیدار کیا ہے ، تربت ٹو اسلام آباد لانگ مارچ کے ساتھ ساتھ بلوچستان کے مختلف علاقوں میں مظاہرین نے بلوچ نوجوانوں کی جبری گمشدگی اور بلوچ نسل کشی کے خلاف احتجاج ریکارڈ کی ہیں ، لیکن ان معاملات کو حل کرنے کیلئے حکومت کی جانب سے کوئی سنجیدہ اقدام نہیں اٹھایا گیا ہے۔
انہوں نے کہا کہ دنیا کے ترقی یافتہ مہذب اقوام کی ترقی کا راز اپنے تعلیم میں پوشیدہ ہے، تعلیم اور شعور کے بغیر کسی بھی اہداف کو حاصل کرنا ناممکن ہے ۔ بلوچ نوجوانوں کو سائنس اور آرٹس کے الگ الگ تخصیصی شعبوں میں تعلیم اور شعور حاصل کر کے قومی ترقی، خوشحالی اور روشن مستقبل کیلئے جد وجہد کر نا ہو گا۔ تعلیم انسان کے تیسری آنکھ کی مانند ہے جسکے ذریعے قوم کو تاریکیوں سے نکال کر مستقبل کاراستہ تعین کرنا آسان ہو گا۔ انہوں نے تشویش کا اظہار کرتے ہوئے کہا کہ بلوچستان میں تعلیمی نظام ابتر ہوتا جارہا ہے نوجوانوں کو تعلیم سے دور رکھ کر انہیں سطحی مسائل کے اندر الجھایا جاۓ۔ ان تمام صورتحال میں وقت اور حالات کی نزاکت کو مد نظر رکھ کر بلوچ قومی مفادات اور تشخص کے تحفظ کی خاطر تمام اختلافات کو پس پشت ڈال کر بلوچ نوجوانوں کو ایک متحدہ پلیٹ فارم پر ملکر جد وجہد کرنا سنگ میل ثابت ہو گا۔ کیونکہ متحدہ قوت ہی میں ہماری کامیابی مضمر ہے۔ بلوچ طلباء کو مختلف نام نہاد سیاسی پارٹیوں کے سربراہاں نے اپنے سیاسی مفادات کی خاطر نوکری، اسکالر شپس اور دیگر مرعات کا جھانسہ دیکر انہیں مختلف حصوں میں تقسیم کر کے الگ الگ سیاسی دکانیں کھولی گئ ہیں جس کا خمیازہ بلوچ نوجوان تعلیمی اداروں میں مختلف صورت میں بھگت رہے ہیں، بلوچ نوجوانوں کو اپنی عارضی اور ذاتی مفادات کو پس پشت ڈال کر ایسے کرداروں سے دور رہتے ہوۓ اپنے اندر اجتماعی اور قومی سوچ پیدا کرنا ہو گا۔
اجلاس کے آخر میں مختلف تجاویز پر غور و فکر کرنے کے بعد اہم تنظیمی فیصلے کئے گئے، اور تنظیم کا دوسرا تربیتی سیریز دانش کو جلد پبلش کرنے کا فیصلہ کیا گیا، جبکہ رواں سال اپریل کے مہینے میں مرکزی کونسل سیشن کو منعقد کرنے کا فیصلہ کیا گیا۔ مسلسل تنظیمی آئین، اصولوں اور قوائد و ضوابط کی پامالی چند کرداروں کی ایماء پر تنظیم کے اندر انتشار پھیلانے کی کوشش کرنے اور بد گمانی پیداکرنے کی پاداش میں اوتھل زون کے وائس پریزیڈنٹ ظاہر لعل کی بنیادی رکنیت کو ختم کیا گیا ہے، تمام اراکین ان سے تنظیمی اور سیاسی بحث و مباحث سے گریز کریں۔