بلوچ خواتین کی بے احترامی اور پرامن احتجاج پر پاکستانی فورسز کے وحشیانہ تشدد کی شدید مزمت کرتے ہیں: بلوچ پیپلز کانگریس

بلوچ خواتین کی بے احترامی اور پرامن احتجاج پر پاکستانی فورسز کے وحشیانہ تشدد کی شدید مزمت کرتے ہیں: بلوچ پیپلز کانگریس۔
راجبانک ڈاکٹر نائلہ قادری، واجہ صدیق آزاد اور ڈاکٹر حکیم لہڑی کا مشترکہ مزمتی بیان:

قابض ریاست اپنی اخلاقی شکست کی شرمندگی چھپانے کےلئے جبری لاپتہ بلوچوں کے دکھی خاندانوں اور انسانی حقوق کے لئے آواز اٹھانے والے پرامن احتجاج پر غیر انسانی تشدد کر رہے ہیں، بلوچ خواتین کی چادریں کھینچنے والے شرم اور غیرت سے عاری ہیں اور بنگلہ دیش کے عوام کے ساتھ کرنے والے جنگی جرائم کو بلوچستان میں دھرا رہے ہیں، بلوچ نوجوانوں کا ریاست کے ھاتھوں اغوا روز کا معمولا بن چکا ہے، زندگی عزت روزگار تعلیم سب دروازے بلوچ پر بند کردیئے گئے ہیں، اس نسل کشی کی صورتحال کو فوری طور پر روکنے کے لئے اقوام متحدہ اور دنیا بھر کے انسانی حقوق کے اداروں کو فوری طور پر بلوچستان میں مداخلت کرکے انسانیت کو بچانے کا فرض پورا کرنا چاہیے۔ بلوچ قوم کو آج ھمیشہ سے زیادہ متحد ہونے کی ضرورت ہے۔