بلوچ خواتین کی جبری گمشدگی کی مزمت کرتے ہیں فوری بازیاب کیا جائے۔ واہس فار بلوچ مسنگ پرسنزز

بلوچ خواتین کی جبری گمشدگی کی مزمت کرتے ہیں فوری بازیاب کیا جائے۔ واہس فار بلوچ مسنگ پرسنزز

ضلع کیچ کے مرکزی شہر تربت سے پاکستانی فورسز کے ہاتھوں بلوچ خواتین کی جبری گمشدگیوں پر وائس فار بلوچ مسنگ پرسنز نے تشویش کا اظہار کرتے ہوئے تمام انسانی حقوق کے اداروں اور پارٹیوں سے آواز اٹھانے کی اپیل کی ہے۔

تنظیم کے چیئرمین نصراللہ بلوچ نے کہاکہ نور خاتون زوجہ گہرام اور حلیمہ بنت گہرام کو گزشتہ شب آسکانی بازار تربت سےفورسز نےحراست میں لے کر نامعلوم مقام پر منتقل کردیا اور انکےاہلخانہ کو انکے حوالے سے معلومات بھی فراہم نہیں کیاجارہا ہے۔

انہوں نے کہاکہ جو باعث تشویش ہے جسکی مذمت کرتے ہیں اور مطالبہ کرتے ہیں بلوچ ماں بیٹی کو فوری طور پر رہا کیا جائے۔

ایچ آر سی بی کے عبداللہ عباس نے سوشل میڈیا پر جاری ایک بیان میں کہا ہے کہ گزشتہ رات فورسز نے تربت کے آسکانی بازار میں ایک گھر پر چھاپہ مارا اور نور خاتون اور اس کی بیٹی حلیمہ کو زبردستی لاپتہ کردیا جو شرمناک اور قابل مذمت ہے۔

انہوں نے کہاکہ خواتین کے اغوا کے خلاف مزاحمت کریں یا پھر اپنی باری کا انتظار کریں۔ اسے معمول پر آنے نہ دیں۔ جہاں بھی ہو سکے ان جبری گمشدگیوں کے خلاف آواز اٹھاہیں۔