بلوچ قومی تحریک میں جہدِ مسلسل کا استعارہ ماما قدیر بلوچ کو خراجِ عقیدت پیش کرتے ہیں۔ بی ایس او آزاد

بلوچ قومی تحریک میں جہدِ مسلسل کا استعارہ ماما قدیر بلوچ کو خراجِ عقیدت پیش کرتے ہیں۔ بی ایس او آزاد

بلوچ اسٹوڈنٹس آرگنائزیشن ازاد کے ترجمان نے اپنے جاری کردہ بیان میں کہا کہ بی ایس او آزاد بلوچ قومی تحریک میں جہدِ مسلسل کا استعارہ ماما قدیر بلوچ کو ان کی گراں قدر قربانیوں و طویل جدوجہد پر انہیں خراجِ عقیدت پیش کرتی ہے اور ان کی بے لوث انقلابی جدوجہد و پیراں سالی میں ہمیشہ ڈٹے رہنے پر ادارہ اُن کو ہمیشہ یاد کرکے اس کی جدوجہد کو جاری رکھے گی۔

انہوں نے کہا ماما قدیر بلوچ قومی تحریک کے اندر پیراں سالی میں جس ہمت و جوانمردی سے اپنی زمہ داریاں انجام دی ہیں، یہ بلوچ قومی تاریخ میں سنہری الفاظوں میں یاد رکھے جائیں گے، اس طویل و کھٹن سفر میں ان کی ہمت و حوصلہ کی داستان بلوچ قوم کو ہمیشہ رہنمائی کرے گی۔

ماما قدیر نے بلوچ فرزندوں کے بازیابی کی خاطر اپنی زندگی کے سولہ سال اسی جدوجہد میں گُزاری اور اپنے تاریخی لانگ مارچ سے نا صرف جابر قوتوں کو بلکہ دنیا کو یہ باور کرایا کہ بلوچ قوم اپنی فرزندوں کی بازیابی کی جدوجہد میں کسی بھی طرح دستبردار نہیں ہوگی۔

بی ایس او کے مطابق انہوں نے پیراں سالی میں اپنے ساتھیوں کے ہمراہ دنیا کی سب سے بڑی پیدل لانگ مارچ رکارڈ کروائی، انہیں اس سفر میں ریاستی اداروں کی طرف سے مسلسل ہراساں کرکے ان کو قتل کرنے کی دھمکیاں دیں مگر وہ اپنی جدوجہد سے ایک بھی قدم پیچھے نہیں ہٹی۔

ماما قدیر بلوچ نے اپنے فرزند جلیل ریکی کی جسدخاکی کو اپنے کندھوں پر اٹھایا مگر ان کے حوصلے پست ہونے کے بجائے وہ مزید جرت و دلیری سے قومی جدوجہد میں شامل رہے۔

ترجمان نے کہا انہیں مسلسل مایوسی کا شکار کرکے ان کے خلاف من گھڑت افواہیں پھیلائی گئی مگر ان کی جدوجہد نے دنیا کے اندھے طاقتوں کی توجہ بلوچستان کی طرف مبذول کرنے پر مجبور کیا، کھٹن راستوں پر طویل لانگ مارچ ہو یا شال کی یخ بستہ سردی میں کیمپ میں بیٹنے کی زمہ داری، ماما اپنی ہمت و حوصلے سے بلوچ قوم کی خاطر ہمیشہ جوانمردی سے ڈھال کی طرح کھڑا ہوکر بلوچ قوم کے جبری گمشدہ فرزندوں کی منظم آواز بنی۔

ماما قدیر نے عاجزی و جوانمردی سے جہدِ مسلسل کا فلسفہ اپنا کر ریاستی جبر کے شکار ہر فرزند کی مربوط آواز بنی جس سے قوم نے انہیں ماما کا اعزاز دیا۔

انہوں نے پیراں سالی میں عیش و عشرت یا پرسکون زندگی کو بلوچ قوم کے لئے وقف کردیے جس سے انہوں نے ثابت کیا کہ جب قوم غلام ہو اور وتن مقبوضہ ہو تو زِندگی کا مقصد جدوجہد کے سوا کچھ نہیں ہوگا۔

بی ایس او نے کہا ہے ماما قدیر بلوچ نے اپنی ہمت سے یہ باور کروایا کہ قومی تحریک کی خاطر جدوجہد عمر و جسمانی تندرستی کے محتاج نہیں بلکہ ان سب سے بالاتر ہمت، فکر و قومی شعور سے ہی ہم اپنے جدوجہد کو کامیابی سے ہمکنار کرسکتے ہیں۔

انہوں نے مزید کہا بلوچ وطن کے خاطر اپنی ہر چیز قربان کرنے و آخری سانس تک عاجزی و ایمانداری کے ساتھ بلوچ قومی تحریک سے جڑنے اور انقلابی کِردار ادا کرنے پر بلوچ قوم ان کی جدوجہد کو ہمیشہ قدر کی نگاہ سے دیکھی گی۔

ترجمان نے آخر میں کہا ماما قدیر بلوچ کی جدوجہد و ہمت قوم کے لئے مشعل راہ ہے جو ہمیشہ ہمیں اپنی قومی جدوجہد میں یہ یاد دلاتی ہے کہ ہمت، ایمانداری و جہدِ مسلسل کے فلسفہ پر قائم رہتے ہوئے ہم اپنی عظیم آزادی کی طویل سفر میں کامیاب ہونگے۔