بلوچ یکجہتی کمیٹی کے رہنماؤں کو دس روزہ ریمانڈ پر پولیس کے سپرد کیا گیا

بلوچ یکجہتی کمیٹی (بی وائی سی) کے آرگنائزرز، جن میں ڈاکٹر ماہ رنگ بلوچ، صبغت اللہ شاہ جی، بیبگر بلوچ، غفار بلوچ، گلزادی اور بیبو بلوچ شامل ہیں، کو آج انسدادِ دہشت گردی (اے ٹی سی) کی عدالت میں پیش کیا گیا۔ عدالت نے استدعا کی منظوری دیتے ہوئے انہیں مزید دس دن کے ریمانڈ پر پولیس کے حوالے کرنے کا حکم دیا، تاکہ تفتیش جاری رکھی جا سکے۔

پولیس نے عدالت کو آگاہ کیا کہ ملزمان کے خلاف دہشت گردی کے الزامات کے تحت مقدمات درج کیے گئے ہیں اور تفتیش کے لیے مزید وقت درکار ہے۔ عدالت نے پولیس کی درخواست منظور کرتے ہوئے ان رہنماؤں کو دس روزہ ریمانڈ پر پولیس کے سپرد کرنے کا حکم دیا تاکہ مقدمے کی تفتیش مکمل کی جا سکے۔

واضح رہے کہ یہ رہنماء تین ماہ قبل 3 ایم پی او (مینٹیننس آف پبلک آرڈر) کے تحت گرفتار کیے گئے تھے، اور آج اسی حوالے سے ایک ججز پر مشتمل جائزہ بورڈ کا اجلاس متوقع تھا۔ تاہم، اجلاس سے چند گھنٹے قبل اچانک ایم پی او کے احکامات ختم کر کے انہیں انسدادِ دہشت گردی کی عدالت میں پیش کر دیا گیا، جس سے صورتحال میں اچانک تبدیلی دیکھی گئی۔