بی وائی سی سیاسی بنیادوں پر جدوجہد جاری رکھے گی۔ ڈاکٹر ماہ رنگ بلوچ

بلوچستان کے ساحلی شہر گوادر پدی زر میں بلوچ یکجہتی کمیٹی کے زیراہتمام سیمینار جس کا عنوان Rements of resist final Echoes ہے کا انعقاد کیا گیا ۔

اس سیمینار میں بڑی تعداد میں لوگوں نے شرکت کی۔
اس موقع پر ڈاکٹر ماء رنگ بلوچ،سمی دین بلوچ،اور صبغت اللہ بلوچ نے خطاب کرتے ہوئے کہا کہ راجی مچی کا اعلان چارماہ قبل کیا گیا تھا،راجی مچی کے انعقاد کیلئے صوبائی حکومت سمیت ضلعی انتظامیہ کو بھی مطلع کیا گیا تھا راجی مُچّی مکمل طورپر ایک پُرامن اور جمہوری جدوجہد کا تسلسل ہے،لیکن ریاست نے رکاوٹیں کھڑی کرکے بلوچ عوام کو آئین و قانون کے اندر رہتے ہوئے بھی آواز بلند کرنے کی ناکام کوشش کی گئی ،لیکن گوادر اور بلوچ عوام نے ثابت کرکے دکھایا کہ بلوچ اپنی سرزمین کیلئے متحد ہے ہمارے تمام مطالبات آئینی و قانونی ہیں ۔

انہوں نے کہاکہ بی وائی سی سیاسی بنیادوں پر جدوجہد جاری رکھے گی۔
دھرنا مطالبات کی منظوری تک جاری رہے گا۔ انھوں نے کہا کہ یاست مذاکرات کرکے سنجیدہ نہیں ہے،ایک طرف مذاکرات اور دوسرے دن نوشکی میں حمدان بادینی کو گولیوں کانشانہ بنایا گیا،کراچی میں بی وائی سی کے کارکنوں پر کریک ڈاؤن کیا گیا،ایف سی نے ریاستی جبر کرکے رابجی مُچّی میں شریک کارکنوں کو نشانہ بنایا 50 سے زائد زخمی اور 4 شہید ہوئے۔جب تک ایف آئی آر درج نہیں کیے جاتے،پورے بلوچستان میں دھرنے جاری رہیں گے۔