تمپ سڑک ٹوٹنے کے باعث اسکول وین حادثہ، دس سالہ طالبعلم جاں بحق

تمپ سڑک ٹوٹنے کے باعث اسکول وین حادثہ، دس سالہ طالبعلم جاں بحق

تربت: تمپ مند زبیدہ جلال روڈ کی خستہ حالی ایک اور جان لے لی ۔ گزشتہ روز رودبن تمپ کے رہائشی دس سالہ طالبعلم عزیز ولد نصرت ہفتہ کی صبح اسکول جاتے ہوئے حادثے کا شکار ہو کر جاں بحق ہوگیا۔

عینی شاہدین کے مطابق لٹل گرامر اسکول تمپ کے طالبعلم عزیز اسکول وین کی چھت پر بیٹھا ہوا تھا کہ اچانک سڑک ٹوٹنے کے باعث وین جھٹکے سے ہل گئی اور بچہ توازن برقرار نہ رکھ سکا۔ نتیجتاً وہ چھت سے گر کر موقع پر ہی دم توڑ گیا۔

مقامی افراد کا کہنا ہے کہ تمپ ٹو تربت زبیدہ جلال روڈ کی خستہ حالی اور ٹوٹ پھوٹ کے باعث حادثات معمول بن چکے ہیں، جن میں اب تک کئی قیمتی جانیں ضائع ہوچکی ہیں۔ عوام نے حکام سے مطالبہ کیا ہے کہ اس سڑک کی فوری مرمت و بحالی کی جائے تاکہ مزید سانحات سے بچا جا سکے۔