توتک آپریشن 77 سال سے جاری ریاستی جبر کا تسلسل تھا،امریکی امداد پاکستان بلوچ و محکوم اقوام کے خلاف فوجی جارحیت میں استعمال کی جاتی ہے۔ میر جاوید مینگل

توتک آپریشن 77 سال سے جاری ریاستی جبر کا تسلسل تھا،امریکی امداد پاکستان بلوچ و محکوم اقوام کے خلاف فوجی جارحیت میں استعمال کی جاتی ہے۔ میر جاوید مینگل

توتک آپریشن 77 سال سے جاری ریاستی جبر کا تسلسل تھا، جس کے دوران ایک ہی خاندان کے دو نوجوانوں کو شہید کیا گیا جبکہ بزرگوں اور نوجوانوں سمیت متعدد افراد کو جبری طور پر لاپتہ کیا گیا۔ 14 سال مکمل ہوچکے ہیں، لیکن جبری طور پر لاپتہ کیے گئے افراد آج بھی ریاستی اداروں کی تحویل میں ہیں۔ جبری گمشدگیاں، مسخ شدہ لاشیں، اجتماعی قبریں، اور حالیہ دنوں میں مکران میں بلوچ اسکالرز کی ٹارگٹ کلنگ، سب بلوچ نسل کشی اور بلوچ وجود کو مٹانے کی ریاستی پالیسیوں کا حصہ ہیں۔
مغربی طاقتیں اور بالخصوص امریکہ جو مالی امداد پاکستان کو فراہم کرتیں ہیں وہ امداد بلوچ سمیت دیگر محکوم اقوام کے خلاف فوجی جارحیت میں استعمال کی جاتی ہں۔پاکستانی فوج اور حکمران طبقہ اس جنگی معیشت سے منافع خوری کرکے انہی پیسوں سے مغربی ممالک میں جزیرے، جائیدادیں اور دیگر قیمتی اثاثے خرید چکے ہیں۔
بلوچستان کی قدرتی دولت، ریکوڈک، سیندک اور گوادر کو سی پیک جیسے منصوبوں کے نام پر بے دریغ لوٹا جا رہا ہے۔ اس لوٹ مار میں نہ صرف پاکستان کے سول و فوجی حکمران شامل ہیں بلکہ بلوچستان کے سیاسی جماعتیں اور مفاد پرست شخصیات بھی اس استحصالی عمل کا حصہ ہیں۔