جبری لاپتہ ظہیر بلوچ کی بازیابی کے لئے جاری دھرنا سے لواحقین اور بلوچ یکجہتی کمیٹی رہنماؤں کی پریس کانفرنس

کوئٹہ ریڈ زون کے احاطے میں کل لواحقین اور بلوچ یکجہتی کمیٹی رہنماؤں نے جبری لاپتہ ظہیر بلوچ کی باحفاظت بازیابی کے لئے جاری دھرنے سے پریس کانفرنس کرتے ہوئے کہا ہے کہ ہمارے درد کا اندازہ اس مجموعے کو دیکھ کر لگایا جا سکتا ہے ہمارے پاس الفاظ کم ہیں جزبات زیادہ ،اس مجموعے کے ساتھ ہم ریڈزون کیا کینٹ بھی جاسکتے ہیں ،مگر ہم یہ کریں گے نہیں کیونکہ ہماری جدوجہد پر امن ہے۔یہی تو فرق ہے ہم میں اور ان ریاستی وردی بردار غنڈوں میں ۔ہمارے پاس شعور ہے اور انکے پاس بندوق۔اور ہم اپنے شعور سے اس ظلم وجبر کو زیر کریں گے۔

انہوں نے کہا کہ ضیاء لانگو کا پریس کانفرنس انتہائ بچگانہ اور حتک امیز ہے۔ ہم اس پریس کانفرنس کو رد کرتے ہیں اور ضیاء لانگو اور انکے قیادت کو دعوت دیتے ہیں کہ وہ ثبوت لاہیں کہ ظہیر بلوچ کولاپتہ نہیں کیا گیا۔ وہ ہمیں صرف 27 تاریخ کی اسی رستے کی سی سی ٹی وی فوٹیج دے دیں کہ ظہیر بلوچ چھٹی کے بعد کہاں گۓ یا کیسے اٹھاۓ گۓ؟ اگر جرت ہے تو فوٹیج دے دیں اگر نہیں تو احمقانہ پریس کانفرنس کرکے اپنے گھٹیا پن کا اعتراف نا کریں۔

انہوں نے کہاکہ گزشتہ شب ہمارے زخمی ہونے والے 18 ساتھیوں جن میں خواتین بھی شامل ہیں، 3 شدید تشویش ناک حالت میں ہسپتال میں داخل ہیں۔ 40 کے قریب ساتھی گمشدہ ہیں، گرفتار خواتین کے موبائل ابھی تک پولیس کی تحویل میں ہیں اور 4 موٹر ساہیکل بھی اٹھاۓ جاچکے ہیں، ہم اب بھی پرامن ہیں۔

چوبیس گھنٹے ہوگئےپر اب تک کوئی مزاکرات کے لیے نہیں آیا۔ اب ہم اعلان کرتے ہیں کہ مزاکرات صرف اسی صورت ہونگے جب ہمارے تمام گرفتار ساتھیوں کو رہا کیا جاۓ، تمام ایف آہی ار واپس لیے جاہیں، اور تمام موبائل واپس کیے جاہیں۔ جبکہ ظہیر بلوچ کی بازیابی کا مطالبہ اپنی جگہ قاہم ہے۔ ہمارا دھرنا یہیں جاری رہے گا اس وقت تک جب تک ظہیر بلوچ بازیاب نہیں ہوتے۔ اور دیگر مطالبات کی کامیابی تک ہم اس احتجاج میں وسعت لاتے رہینگے۔ آج 10 بجے سے لیکر 6 بجے تک سونا خان کے مقام پر روڈ بند کیا جاۓ گا، اور کل مغربی باہی پاس کو بند کیا جاۓ گا۔ جبکہ دھرنا اسی جگہ جاری رہے گا۔

انہوں نے کہاکہ آپ سب ہماری طاقت ہو، جڑے رہو، پرامن رہو، اور جابر کے خلاف جنگ کو اپنا فرض سمجھو۔ یہ دھرنا جاری رہے گا اور آپ سب کو 28 جولاہی کو گوادر میں بلوچ راجی مچی میں شرکت کی دعوت دیتی ہوں۔