خضدار: ایٹمی تابکاری کے شکار بلوچستان میں کینسر نے نوجوان خاتون کی جان لے لی

خضدار: ایٹمی تابکاری کے شکار بلوچستان میں کینسر نے نوجوان خاتون کی جان لے لی

خضدار کے علاقہ خیراوہ باجیکی میں آج کینسر نے 22 سال سارہ بی بی والد عبدالرحمان کی جان لی۔ کینسر کے موزی مرض میں مبتلا ہونے کے باعث زیر علاج تھیں جہاں بروز منگل انتقال کرگئی۔

یاد رہے کہ بلوچستان میں کینسر کا مرض تیزی سے پھیلنے والی بیماریوں میں سرفہرست بنتی جارہی ہے۔

بلوچستان میں ہر سال کینسر کے درجنوں کیسز ریکارڈ ہوتے ہیں جبکہ ان میں اموات کی شرح بھی زیادہ ہے۔

بلوچستان کے مختلف علاقوں سے سماجی کارکنان کینسر اسپتال کے لیے وقتاً فوقتاً آواز بلند کرتے آرہے ہیں تاہم حکومت نے کسی سطح پر انسانی جانوں سے منسلک اس اہم ایشو پر کبھی سنجیدگی کا مظاہرہ نہیں کیا ہے۔

یاد رہے 28 مئی 1998 میں پاکستان نے جبرا” چاغی کے پہاڑ راسکوہ میں تجرباتی ایٹمی دھماکے کیے تھے جسکے بعد بلوچستان میں طویل خشک سالی کے بعد کینسر کے کیسزز رپورٹ ہونا شروع ہوگئے تھے جن میں متواتر اضافہ ہورہا ہے، جن میں اکثر مریض بچے اور نوجوان شامل ہیں۔