دو پاکستان، دو سیاستیں- عاصم جان

دو پاکستان ہیں، جن کی اپنی اپنی اور ایک دوسرے سے بالکل مختلف سیاستیں ہیں۔

۱- پہلا پاکستان یعنی” پاکستان پراپر” : (Pakistan PROPER or CENTRE)

اس پاکستان کی سیاست پر فوجی و سرمایہ دار اشرافیہ کا غلبہ ہے۔ وہی سیاسی ایجنڈا اور بیانیہ طے کرتی ہے۔ وہاں کی نچلی کلاس اس وقت بڑی حد تک اپنی اشرافیہ کے نیچے بیان کیئے دو گروہوں کی سیاست کے اثر تلے ہے۔ تو یہاں Dominent Political Discourse reformism یعنی اصلاح پسندی ہے۔

یہاں پاکستان کے موجودہ شدید استحصالی سرمایہ داری کے اندر اندر، اس پر کوئی بنیادی سوال نا اٹھاتے ہوئے، اس کے اصلاح پسندی کی سیاست ہے۔

یہ تحریک انصاف کی طبقاتی بیس پر مشتمل پروفیشنل مڈل کلاس اور نئے ابھری tech سرمایہ دار پرتیں ہیں، جو ن لیگ اور پی پی پی کی بیس پر کھڑے پرانے سرمایہ داروں اور زمینداروں کو crony capitalist گردان کر پاکستان کی ناترقی کا سبب سمجھتے ہیں۔ اور یقین رکھتے ہیں کہ وہ طاقت میں آ کر “ صالح و پاک سرمایہ داری “ سے ملک کو یورپ و جاپان و دبئی کی طرح کی ترقی دلوائیں گے۔ اس کے ہم خیال و اتحادی فوج میں بھی ہیں۔ فوجی اشرافیہ بھی دو حصوں میں ہے، ابھی موجود کمزور حصہ موجودہ غالب عاصم منیر ٹولے کو “ ڈاکو اور منافق” کہہ کر “ پروفیشنل اور صالح فوجی “ کو “واپس غالب” کرنے میں “ قوم کی نروانا” سمجھتا ہے۔

فوج اور ن لیگ/ پی پی پی کی عدلیہ کے موجودہ غالب گروہ کے ساتھ ، reserved seats پر تحریک انصاف کے حق میں فیصلہ دینے کے بعد، حالہ مخامصت بھی اس رسہ کشی کا رخ اور علامات ہیں۔

اصل میں پاکستانی حکمران طبقہ کا اپنا اندرونی بحران یا ہے، معیشت چلانے پر، حکمرانی کامیابی سے نا چلا پانے پر، اپنے استحصال اور جبر کے ردعمل میں اٹھنی والی عوامی مزاہمتی تحریکوں کو کچلنے کے طریقہ کار پر، Imperialism کی سہولت کاری کی extent پر اور بیرونی کیپیٹل کو لا کر اپنی زمین، زیر زمیں معدنیات اسے بیچنے کے طریقہ کار پر، چینی، امریکی ، خلیجی سرمائے کو وسائل اور ملکی ادارے بیچنے پر اور ان سے قرضے لینے کی شرائط پر۔

اور اس سب پر کس مقامی اشرافیائی پرت کو کتنا حصہ ملتا ہے، اس پر۔

اس سارے استحصال اور جبر کی بنیاد پر کھڑے سرمایہ دارنہ نظام کے عوام کے لئے مضر ہونے پر ان اشرافیائی متحارب گروہوں میں کوئی اختلاف نہیں ہے۔

ساتھ ہی ان میں “ دوسرے پاکستان” پر فوجی دہشت گردی مسلط کرنے اور اس کے انسانی و قدرتی وسائل پر اپنے طبقاتی فائدےطکے لئے ڈاکہ ڈالنے میں بھی کوئی اختلاف رائے نہیں ہے۔

۲ – دوسرا پاکستان یعنی مضافات : Pakistan Periphery:

یہ بلوچستان، پشتون آبادی کے قبائلی علاقے، گلگت بلتستان و کشمیر پر مشتمل ہیں۔

یہاں پر پاکستانی فوج نے قبضہ کیا ہوا ہے۔ ان خطوں اور وہاں کے انسانوں کو یہ اپنی سرمایہ داری کے لئے strategic depth کے طور پر، ٹراسپورٹ شاہ راہ کے طور پر، چینی و امریکی امپیریلزم کے ساجھے داری اور سہولت کاری کے لئے فوجی و قبضہ گیری پراجیکٹس کے بدلے imperial rent لینے کے لیئے استعمال کرتا ہے۔

وہاں مقامی لمپن و دیگر پرتوں کو فنڈ و ٹرین کر کے دہشت گرد گروہ بنائے، ان کو علاقے میں حاکمیت کی اپنی فریچائز دے، اور علاقے پٹًے پر بانٹے، اور یوںکر مقامی عوام کو یغامال بنائے، پھر بعد میں ضرورت پڑنے پر ہم عوام کے سامنے انہی کو “ دہشت گرد” قرار دے کر اور خود جو نجات دھندہ بنا کر علاقہ میں خود آکر اوراپنی دہشت کھڑی کر خود قبضہ گیر بن جائیں۔ یعنی پہلے خود پراکسی کھڑی کر کے عوام کی خود ارادی کو کرش کر کے بالواستہ اپنی حکمرانی قائم کی اور پھر بعد میں ضرورت پڑنے پر خود براہ راست وہی کردار اپنا لیا۔

دونوں صورتوں میں خطے کے جغرافیہ اور وہاں کی عوام سے اپنے مقاصد پورے کئے۔

اس پراسس میں صرف پچھلے ۲۰ سالوں میں یہاں پر کیئے گئے فوجی آپریشنوں میں ۴۰ لاکھ سے زیادہ لوگ زبردستی حجرت پر مجبور اور بےگھر ہوچکے ہیں، ۸۰،۰۰۰ تک قتل ، ہزاروں فوج کے ہاتھوں لاقانونی طور پر اغواء ، ٹارچر اور حراست کے دوران قتل ہوچکے ہیں۔

عوام کی املاک، زراعت، کاروباروں کو پہنچنے والے نقصان کا گورمنٹ نے کبھی تخمینہ لگانے کی زحمت معلوم وجوہات کی بنا کر سوچ سمجھ کر نہیں کی مگر یہ اربوں میں نکلے گا۔

اس بے رحمانہ قتل، زبردستی حجرت، معاشی نقصان، فوجی قبضہ گیریت اور اس سب کے ردعمل میں نکلنے والی پشتون و بلوچ کی ابھری عوامی تحریکوں کو جبر کے زریعہ کچلنے پر “پاکستان پراپر” کے دونوں اشرافیائی گروہ متفق ہیں۔

اس لئے یہاں کے عوام اور نچلے طبقات سے ابھری والی تحریکیں مثلاً بلوچ یکجہتی کمیٹی، پشتون تحفظ موومنٹ، کشمیر اور گلگت بلتستان کی عوامی ایکشن کمیٹیاں “ دوسرے پاکستان” کی نمائندہ ہیں۔ اور یہاں کے عوام کی نجات ایسی ہی سٹیٹس کو مخالف ریڈیکل تحریکوں میں ہے۔ان خطوں کے عوام کو ان پر جبر مسلط کرنے والے پاکستان پراپر کے نظام کو اپنی زمیں جڑ سے اکھاڑنے، اور شکست دے کر سماج میں انقابی تبدیلی لانے کی سیاست ہے۔

یہ اس سیاست سے بالکل مختلف ہے، جو مرکز کی اور اشرافیہ کی سیاست ہے جس میں جبر و استحصال کے نظام کو ہٹانے پر کوئی سوال نئیں بلکہ اسے چلانے کے طریقہ کار پر ہے اور پرانی دولت اور نئی دولت، ڈاکو جرنیل اور خود کو پروفیشنل و نیک جرنیل ، چور جج اور خود کو صالح جج کہنے والے دو اشرافیائی پرتوں و گروہوں کے درمیان ہے، جو نچلے طبقات، چھوٹی قوموں، عورتوں و اقلیتوں کے معاشی استحصال اور جبر کی بنیاد پر قائم اپنی اشرافیائی پوزیشن اور unearned privileges کے مزے لے رہے ہیں اور حکمرانی برقرار رکھے ہوئے ہیں۔