راشد حسین بلوچ کی طویل جبری گمشدگی اور تاحال عدم بازیابی کے خلاف ایکس پر مہم چلائے گی۔ بلوچ وائس فار جسٹس

راشد حسین بلوچ کی طویل جبری گمشدگی اور تاحال عدم بازیابی کے خلاف ایکس پر مہم چلائے گی۔ بلوچ وائس فار جسٹس

‏بلوچ وائس فار جسٹس راشد حسین بلوچ کی طویل جبری گمشدگی اور تاحال عدم بازیابی کے خلاف ایکس پر مہم چلائے گی۔

متحدہ امارات سے جبری گمشدگی اور بعد ازاں پاکستان کے حوالے کیے جانیوالے لاپتہ راشد حسین کی بازیابی کے لئےسوشل میڈیا کیمپین چلائی جائے گی۔

لاپتہ افراد کی بازیابی کے لئے کوشاں تنظیم بلوچ وائس فار جسٹس نے ٹوئٹر پر ایک مختصر بیان میں کہا ہے کہ لاپتہ راشد حسین کے اہلخانہ کی طرف سے راشد حسین کی باحفاظت بازیابی کے لیے 3 مئی کو ایکس پر ‎#SaveRashidHussain کمپین چلائی جائے گی تمام مکاتب فکر کے لوگ کمپین میں حصہ لے کر اہلخانہ کی آواز بنیں۔

بلوچ وائس فار جسٹس کی جانب سے مزید کہا گیا کہ اہلخانہ کا کہنا ہے کہ راشد حسین 26 دسمبر 2018 کو متحدہ عرب میں گرفتار ہوا اور 22 جون 2019 کو متحدہ عرب امارات کی حکومت نے انہیں پاکستان کے حوالے کیا جسکی تصدیق ملکی میڈیا نے بھی کی، اہلخانہ نے اپیل کی ہے کہ راشد پر جو الزامات ہے انکا عدالت میں اوپن ٹرائل کیا جائے۔

واضح رہے کہ راشد حسین کے لواحقین کا کہنا ہیں کہ راشد حسین کو 26 دسمبر 2018 کو متحدہ عرب امارات کے مقام شارجہ سے وہاں کے خفیہ اداروں نے جبری طور پر لاپتہ کیا، اور بعد ازاں اسے غیر قانونی طور پر پاکستان کے حوالے کیا گیا جو تاحال لاپتہ ہے، راشد حسین کی بحفاظت بازیابی کے لیے ملک اور بیرون ممالک میں مسلسل احتجاج کرتے آرہے ہیں۔