راشد حسین کی باحفاظت بازیابی کیلئے منعقد سیمینار میں شرکت کرکے جبری گمشدگی جیسے غیر انسانی عمل کے خلاف آواز اٹھائیں

بلوچ کارکن راشد حسین کی متحدہ عرب امارات سے جبری گمشدگی و پاکستان منتقلی و جبری گمشدگی کے پانچ سال کا عرصہ مکمل ہو چکا ھے بلوچ کارکن کو 26 دسمبر 2018 کو اس وقت متحدہ عرب امارات کے شہر شارجہ سے وہاں کے خفیہ پولیس نے حراست میں لیا جب وہ اپنے دیگر رشتہ داروں کے ہمراہ گاڑی میں دبئی کی طرف سفر کررہے تھے ۔راشد حسین کے لواحقین بالخصوص ان کی ماں اپنے بیٹے کے باحفاظت بازیابی کے لیے انصاف کے فراہم کے بنائے گئے اداروں کے ہر دروازوں پر دستک دیتی آرہی ھے لیکن کسی نے یہ گوارہ نہیں کیا کہ انہیں ملکی قوانین کےتحت انصاف فراہم کرے ۔لاپتہ راشد حسین اس وقت غیر قانونی طور پر قید و بند کی صوبتیں برداشت کر رہے ہیں اور ریاستی ادارے انہیں منظر عام پر لانے کے بجائے غیر قانونی طور پر لاپتہ کر چکے ہیں ۔لاپتہ راشد حسین کی جبری گمشدگی کے خلاف لواحقین کی جانب سے کل 15 اکتوبر بمقام شال (کوئٹہ) پریس کلب ایک سیمینار کا انعقاد کیا جا رہا ہے جس میں راشد حسین کی جبری گمشدگی اور بلوچستان میں انسانی حقوق کی خلاف ورزیوں کے حوالے سے مختلف طبقائے فکر کے لوگ اپنے خیالات کا اظہار کرینگے۔ تمام انسان دوست اور بلخصوص بلوچ عوام سے اپیل کرتے ہیں کہ وہ لاپتہ راشد حسین کے اہلخانہ کی جدوجہد میں ان کا ساتھ دے کر ان کی آواز بنیں۔