روسی حملوں میں پہلی بار یوکرینی کابینہ کی عمارت کو نشانہ بنایا گیا ہے۔ وزیرِاعظم

روسی حملوں میں پہلی بار یوکرینی کابینہ کی عمارت کو نشانہ بنایا گیا ہے۔ وزیرِاعظم

یوکرین: وزیر اعظم کا کہنا ہے کہ روس کے ساتھ جنگ کے دوران روسی حملوں میں پہلی بار یوکرین کی حکومت کی مرکزی عمارت کو نشانہ بنایا گیا ہے۔

یولیا سویریڈینکو کا کہنا ہے کہ دشمن کے حملوں کے باعث کابینہ کی عمارت کی چھت اور بالائی منزلوں کو وجہ نقصان پہنچا ہے اور فائر فائٹرز آگ بجھانے میں مصروف ہیں۔

دوسری جانب، حکام کا کہنا ہے کہ کئیو میں ایک نو منزلہ رہائشی عمارت پر حملے کے بتیجے میں ایک بچہ اور ایک نوجوان خاتون ہلاک ہو گئے ہیں جبکہ امدادی کارکن تیسرے شخص کی تلاش کر رہے ہیں۔

حکام نے بتایا کہ یوکرین میں ایک اور جگہ نووپاولیوکا گاؤں میں ایک خاتون کو قتل کر دیا گیا۔

یوکرین کی فضائیہ کا کہنا ہے کہ روس کی طرف سے تازہ ترین حملے میں 800 سے زائد ڈرون اور میزائل داغے گئے جو کہ ایک ریکارڈ تعداد ہے۔