ریاستی جبر و تشدد کے خلاف یکمشت ہو کر جد وجہد کی اشد ضرورت ہے۔ بلوچ یکجہتی کمیٹی (اسلام آباد)

بلوچستان بھر میں جبری گمشدگیوں اور دیگر ریاستی جرائم میں تیزی سے اضافہ انتہائی تشویشناک ہے، ہمیں ریاستی جبر و تشدد کے خلاف یکمشت ہو کر جد وجہد کی اشد ضرورت ہے۔ بلوچ یکجہتی کمیٹی (اسلام آباد)

آپ سب بخوبی آگاہ ہیں کہ بلوچستان بھر میں ریاستی جرائم کا بازار گرم ہے ۔ آئے روز بلوچ طلبہ ، سیاسی کارکنان اور دیگر افراد کو جبر آلا پتہ کیا جار ہا ہے ، ریاستی شر سے بچے، بوڑھے اور خواتین کوئی بھی محفوظ نہیں۔ ریاستی فورسز کی جانب سے بلوچ عوام کے اغوا کے واقعات میں اضافہ بلوچ نسل کشی کی واضح پالیسی ہے۔ بلوچستان ریاستی دہشت گردی کی زد میں ہے ، جہاں ہر دن فوجی آپریشن ، ڈیتھ اسکواڈز کا متحرک رہنا، ریاستی سر پرستی میں مذہبی شدت پسندی، اور دیگر ذرائع سے بلوچوں پر جبر و تشد د معمول بن چکا ہے۔ پاکستانی فورسز بلوچ عوام پر تشد داور ناجائز جبر کے ذریعے اپناد بد به
قائم رکھنا چاہتی ہے۔ بلوچ قومی شناخت کے بنیاد پر بلوچ نسل کشی کی جارہی ہے ، جہاں ڈیرہ غازی خان سے لیکر گوادر تک بلوچ قوم پاکستانی فورسز کے غیر انسانی سلوک کی زد میں ہے۔ بلوچستان میں جبری گمشد گیاں بدستور جاری ہے جہاں کو ئٹہ ، خضدار ، پیچ ، پنجگور ، آواران ، تمپ ،اور نوشکی سمیت کراچی میں بلوچ عوام کو جبر آلا پتہ کیا جار ہا ہے ۔ کوئٹہ سے بھی بلوچ اور کمبر بلوچ کو لاپتہ کیا گیا۔ اس طرح خضدار کے علاقے مولہ سے کامران ولد سومروخان اور سعید بلوچ، نوشکی سے عاطف ولد ماسٹر عادل، گوادر میں آپریشن کے دوران پانچ خواتین سمیت در جنوں افراد کو جبر آلا پتہ و گرفتار کیا گیا، کیچ کے علاقے تمپ سے عارف ولد پنڈوک، شاہ زیب ولد رحمدل، بہادر ولد جان محمد ، قادر بخش ولد عزیز ، مراد ولد عبد الکریم، تربت سے نوشاد بلوچ ، شیر جان بلوچ ،اور ظریف کو لاپتہ کیا گیا ، اور پنجگور سے فقیر جان ولد خدادوست اور اشرف ولد حاجی اسماعیل، اور کراچی سے داد شاہ شاشانی کو ریاستی فورسز کی جانب سے لا پتہ کیا گیا۔ مجموعی طور پر گزشتہ تین ہفتوں کے دوران بلوچستان بھر سے 50 کے قریب افراد کو جبر آلا پتہ کیا گیا۔
فوجی آپریشن، چھاپے، بلوچ نوجوانوں کو ان کے گھروں سے اغوا کرتے ہوئے ان کے اہل خانہ پر تشد دواضح ریاستی دہشت گردی ہے۔ ریاست کی جبری گمشدگیوں پر مبنی پالیسی بلوچ قوم کے اندر عدم تحفظ جنم دے رہا ہے۔ ان حالات کو دیکھ کر بلوچ قوم کے باشعور افراد کو سمجھنا چاہیے کہ بلوچستان میں اس وقت ریاست جن پالیسیوں پر کار فرما ہے اگر ان کا مقابلہ نہیں کیا گیا تو وہ وقت دور نہیں جب بلوچستان کو ریاست ان کے لوگوں کیلئے رہنے کے قابل نہیں چھوڑے گا۔ ایک طرف ریاستی جبر عروج پر ہے وہیں دوسری جانب عالمی طاقتیں اور انسانی حقوق کی تنظیمیں اندھی ہو چکی ہیں جبکہ ریاست نے بلوچستان میں اپنی دہشت گردی جاری رکھا ہے ، ایسے مظالم کے خلاف مزاحمت کر نابلوچ عوام پر فرض ہے۔
بلوچ قوم کو سمجھنا چاہیے کہ یہ ریاست کی فطرت میں شامل ہے کہ جب تک عوام نکل کر اسے ان سنگین جرائم کو روکنے کیلئے دباؤ نہیں ڈالے گی یہ عمل جاری و ساری رہیں گے ، بلوچوں کے خلاف جاری نسل کشی کو تمام اداروں کی کسی نہ کسی صورت میں حمایت حاصل ہے اور مین اسٹریم تمام جماعتیں اس سنگین جرائم پر خاموش رہ کر اپنی حمایت کا بر ملا اعلان کر رہے ہیں ۔ان غیر انسانی عمل کو روکنے کیلئے بلوچوں کو سیاسی مزاحمت کی طرف بڑھنا چاہئے اور یکجا ہو کر ریاستی دہشت گردی کے خلاف جد وجہد کر ناچاہیے تا کہ اس نو آبادیاتی نظام اور جبر کا خاتمہ ہو۔