ریاست بوکھلاہٹ کا شکار ہو چکی ہے۔ بدنام زمانہ ریاستی ادارے قانون کی دھجیاں اڑانے میں کوئی کسر نہیں چھوڑ رہے۔ بی۔وائی۔سی (کراچی)

ریاست بوکھلاہٹ کا شکار ہو چکی ہے۔ بدنام زمانہ ریاستی ادارے قانون کی دھجیاں اڑانے میں کوئی کسر نہیں چھوڑ رہے۔ بی۔وائی۔سی (کراچی)

بلوچ یکجہتی کمیٹی (کراچی) کے ترجمان نے اپنے جاری کردہ بیان میں کہا کہ جہاں کمیشنز اور کمیٹیاں تشکیل دی جا رہی ہیں اور نگران وزیر اعظم کو بلوچ لاپتہ افراد کیس میں اسلام آباد ہائی کورٹ نے وزیراعظم انوار الحق کاکڑ کو طلب کر لیا لیکن یہ سب فقط لفاظی ہے سوائے اس کے اور کچھ نہیں جبکہ عملی طور پر ریاست اور اس کے حفاظتی ادارے بوکھلاہٹ کا شکار ہو چکے ہیں اور لاپتہ افراد کو فیک انکاؤنٹر میں مارنے اور نسل کشی کرنے میں کسی قسم کا کوئی کسر نہیں چھوڑ رہے۔ پاکستانی فورسز نے چند روز قبل بلوچستان میں 3 نوجوانوں کو قتل کیا ۔ عادل، شاہجان اور نبی داد جو پہلے 22 اگست کو اغوا کیے گئے تھے۔ یہ پاگل پن بند ہونا چاہیے! انسانی حقوق کی ان خلاف ورزیوں سے نمٹنے کے لیے فوری بین الاقوامی توجہ کی ضرورت ہے۔ ان کو فیک انکاؤنٹر میں مار کر قانون و آئین کی بالادستی کو پیروں تلے کچلا جا رہا ہے کیا ان ریاستی اداروں کو سوال پوچھنے والا یا پھر ان کے ان غیر قانونی کارروائیوں کا کوئی پرسان حال نہیں ہے۔ اگر ہے تو لفظی طور پر نہیں بلکہ عملی طور پر اس کا مظاہرہ کیا جائے ۔
ترجمان کا مزید کہنا تھا کہ اسی طرح گزشتہ دن سی۔ ٹی۔ ڈی نے تربت میں کارروائی کرتے ہوئے فیک انکاؤنٹر میں 4 نوجوانوں کو قتل کیا جن میں سے تین کی شناخت ہو چکی ہے۔ پاکستانی فورسز کو ہاتھوں یکم اگست کو اغواء ہونے والے سیف بلوچ کی شناخت سی۔ ٹی۔ ڈی کے جعلی مقابلے میں ہلاک ہونے والوں میں سے ایک کے طور پر ہوئی ہے۔ ماورائے عدالت اقدامات کا یہ خطرناک انداز بین الاقوامی توجہ کا متلاشی ہے۔ متاثرین کے لیے انصاف سب سے اہم ہے۔ اسی طرح قبل ازیں اغواء کیے گئے شکور بلوچ کی شناخت پاکستان کے کاؤنٹر ٹیررازم ڈیپارٹمنٹ نے کل کے مبینہ جعلی مقابلے میں تیسرے مقتول کے طور پر کی ہے۔ اسے 25 جون کو بلوچستان کے پل آباد سے اغوا کیا گیا تھا، اس کا کیس مکمل، شفاف تحقیقات پر زور دینے کا سوال کرتا ہے۔ انسانی حقوق کی تنظیمیں ایسی کارروائیوں کی مذمت میں متحد ہیں، شکور بلوچ اور تمام متاثرین کو انصاف فراہم کرنے پر زور دیتے ہیں۔ اسی طرح موجودہ 4 لوگوں کے فیک انکاؤنٹر میں بالاچ ولد مولا بخش کو بھی اسی طرح قتل کیا گیا۔ ماورائے عدالت اقدامات کے اس پریشان کن رجحان کی مذمت کی جانی چاہیے۔ ہم فوری بین الاقوامی جانچ پڑتال اور انصاف کو ضروری سمجھتے ہیں۔ بالاچ ولد مولا بخش کی فیملی اس وقت تربت فدا چوک میں بیٹھے ہوئے ہیں اور بالاچ کی میت کو ابھی تک دفن نہیں کیا گیا اور وہ انصاف کے طلبگار ہیں۔ ہم تمام انسانیت کا درد رکھنے والوں اور تربت اور اس کے قریبی علاقوں میں رہنے والے افراد سے دست بستہ اپیل کرتے ہیں کہ وہ اس کٹھن گھڑی میں اپنے قوم کے ساتھ کھڑے ہوں اور تربت فدا چوک میں جاری دھرنا میں شرکت کرکے انصاف کے حصول میں بالاچ کے فیملی ساتھ دیں۔ ہم تمام بین الاقوامی انسانی حقوق کے اداروں سے مطالبہ کرتے ہیں کہ وہ ان معاملات کی نظر ثانی کریں اور ان کو قانون و آئین کی صورت میں حل کرنے اور انصاف کی فراہمی میں اپنا کردار ادا کریں، کیونکہ ہم قومی و مقامی طور پر انصاف کی امید نہیں کر سکتے کیونکہ کہ ہمیں معلوم ہے کہ یہاں کا منصف کون ہے، یہاں مدعی کون ہے، تو ہم بین الاقوامی سطح پر انصاف کے طلبگار ہیں۔
ترجمان نے اپنے بیان کے آخر میں کہا کہ ہم بالاچ ولد مولا بخش کی فیملی کے ساتھ بالکل شانہ بشانہ کھڑے ہیں اور ان کے اس کٹھن گھڑی میں ان کے غم میں برابر کے شریک ہیں۔ ہم بالاچ ،سیف، شکور،عادل،شاہجان اور نبی داد سمیت باقی دیگر فیک انکاؤنٹر میں مارے جانے والے افراد کو انصاف فراہم کیا جائے اور جتنے لاپتہ افراد ہیں ان کو جلد از جلد بازیاب کرانے میں اپنا کردار ادا کیا جائے۔ وگرنہ ہم سمجھتے ہیں کہ یہ اس آگ پر تیل ڈالنے کے مترادف ہے جس کے نقصانات کافی بھیانک ہوسکتے ہیں۔