زامران پاکستانی حواس باختہ میجر کا اہلیان زامران کو علاقہ خالی کرنے کا حکم ،علاقہ مکینوں کا انکار

کیچ کے علاقہ زامران میں کٹگان زامران فوجی کیمپ کے پاکستانی حواس باختہ میجرنے اھلیان زامران کو ترک وطن کرنے پرمجبورکرنے کی کوشش کرتے ہوئے دھمکی دی ہےکہ علاقہ مکین یہاں سے فورا ہجرت کرکے یہ علاقہ خالی کریں کیوں کہ فورسز کو علاقہ مکینوں پر یقین نہیں ہے کیوں کہ وہ بلوچ ہیں ،کہیں سرمچاروں کی فورسز پر حملے کروانے میں مدد نہ کریں ۔

ذرائع کے مطابق مزکورہ حواس باختہ میجر نے معززین کو بات کرنے کی موقع تک نہیں دیا اور دھمکی آمیز لہجے میں کہا کہ اگر زامران خالی نہیں کریں گے تو میں سختی کرنے پر مجبور ھوجاؤں گا.علاقہ مکینوں نے کہاہے کہ میجر کی جگہ آرمی چیف وزیر اعلی یا کوئی وزیر اعظم بھی آکر دھمکی دے کہ وہ اپنا علاقہ خالی کرکے چلے جائیں تو وہ آخری دم تک اپنا علاقہ نہیں چھوڑیں گے۔

چاہئےانھیں جبری لاپتہ یا جعلی مقابلوں میں مارا جائے جیسے میجر موصوف ببانگ دھل کہہ رہے ہیں ۔مگر ظلم کے سامنے نہیں جھکیں گے انھوں نے انسان دوست پارٹی تنظیموں سے اپیل کی ہے کہ وہ نہتے معصوم شہریوں کو بے گھر ہونے سے بچانے کیلے آواز اٹھاکر مذکورہ بے لگام میجر کو روکیں۔