زھری ءَ لوگانی سر ءَ بیڑبرتگ ءُ یک مردمے زورانسری آوار جنگ بیتگ

زھری ءَ لوگانی سر ءَ بیڑبرتگ ءُ یک مردمے زورانسری آوار جنگ بیتگ

زھری ءَ پاکستانی پوج ءُ چیریں ادارھانی کارندھاں لوگانی سر ءَ بیڑبرگ ءِ وھد ءَ سے مردم آوار جتگ ءُ ناشناسیں جاھے ءَ برتگ اَنت ، دس مردم یل کنگ بوتگ ءُ یک انگت بیگواہ ءَ اِنت-

بلوچستان ءِ دمگ ھُزدار ءِ ھَند زھری ءَ ھژدہ اگست ءِ شپ ءَ پاکستانی پوج ءُ چیریں ادارھانی کارندھاں چار ھنداں بیڑبرتگ-

اِھوالکاراں ٹی بی پی ءَ گوں تران کنان ءَ گوشتگ کہ پوج ءَ حفیظ ء محمد امین جھمنند سنگین شپ ءِ ساھت سے ءَ لوگ سر ءَ بیڑبرتگ ءُ وتی ھمراھی ءَ برتگ- دمگ مردمانی گْوشگ اِنت کہ چاردہ ءَ نزیکیں گاڑیاں پاکستانی پوج ایف سی ءُ سادھیں پوشکانی تہ ءِ کارندھاں دمگ انگر ءَ کتگ ءُ لوگاں بیڑبرتگ –

ھمے شپ ءَ پاکستانی پوج ایف سی ءُ چیریں ادارھانی کارندھاں شیفع کالونی ءَ لوگ سر ءَ بیڑبرتگ ءُ رازق جتک ءُ آئی ءِ چُک منان جتک ھمراھی ءَ آوار جتگ ءُ ناشناسیں جاھے ءَ برتگ اَنت بلے دومی روچ ءَ پد ءَ یل کنگ بیتگ اَنت-

اِھوالکارانی گوشگ اِنت کہ حفیظ انگت بیگواہ ءَ اِنت وھدے کہ اے درگت ءَ پولیس ءِ گور ءَ ایف آئی آر نکش ھم کتگ اِت-