زہری فوجی محاصرے میں، ڈرون حملے میں خواتین و بچوں سمیت 6 شھید ، تین زخمی

زہری فوجی محاصرے میں، ڈرون حملے میں خواتین و بچوں سمیت 6 شھید ، تین زخمی

خضدار: زہری گزشتہ کئی دنوں سے فوجی محاصرے میں ہے جبکہ علاقے میں تاحال کرفیو نافذ ہے۔ تازہ اطلاعات کے مطابق پاکستانی فورسز کے ڈرون حملے کے نتیجے میں پانچ افراد شھید اور تین زخمی ہوگئے ہیں۔

مقامی ذرائع کے مطابق، پانچ اکتوبر کو زہری کے علاقے مولہ پس بیل چھاڑی میں ڈرون اور ہیلی کاپٹروں کے ذریعے شیلنگ اور بمباری کی گئی، جس کے نتیجے میں کم از کم پانچ افراد موقع پر ہی شھید اور تین زخمی ہوگئے ہیں۔

شھید افراد میں منظور احمد ولد عبدالحکیم و اس کے دو بچے اور ایک بھتیجا، بی بی رحیمہ اس کا ایک بچہ شامل ہیں۔ جبکہ زخمیوں میں بی بی رحیمہ کی ایک بیٹی اور ایک بیٹا بھی شامل ہیں۔

تحصیل زہری میں گذشتہ چند دنوں سے پاکستانی فورسز کا مقامی آبادی پر حملے اطلاعات سامنے آرہی ہیں۔ چند روز قبل زہری کے علاقے نورگامہ میں فورسز کی فائرنگ سے ایک نوجوان شھید ہوگیا تھا۔

عینی شاہدین کے مطابق، نوجوان کو اس وقت نشانہ بنایا گیا جب وہ اپنے گھر سے باہر نکلا۔ زخمی نوجوان کو خضدار منتقل کیا جارہا تھا کہ وہ راستے میں دم توڑ گیا۔

علاقے میں تاحال کرفیو نافذ ہے، جبکہ علاقے میں مواصلاتی نظام مکمل طور پر منقطع ہونے کے باعث حالات کی درست تفصیلات حاصل کرنا ممکن نہیں۔