سبی میں پاکستانی فوج کا آپریشن جاری

سبی کے علاقے سانگان اور گردونواح کے حصے فوجی آپریشن کی زد میں ہیں، جہاں سے پاکستانی فوج کی بڑی تعداد میں نقل و حرکت دیکھی جا رہی ہے۔ حکام نے ابھی تک اس حوالے سے تفصیلی معلومات فراہم نہیں کی ہیں۔

بلوچستان کے مختلف علاقوں میں فوجی آپریشنوں کا سلسلہ جاری ہے، مگر حکام اکثر اس ضمن میں کوئی رسمی موقف پیش کرنے سے گریز کرتے ہیں۔ اس صورتحال کے باعث علاقے میں کشیدگی اور بے چینی میں اضافہ دیکھنے میں آ رہا ہے۔

گزشتہ دنوں قلات کے مختلف علاقوں، جن میں منگچر، موڑگند اور کوہک شامل ہیں، میں پاکستانی فورسز کو شدید نوعیت کے حملوں کا سامنا کرنا پڑا۔ بلوچ لبریشن آرمی نے ان علاقوں میں آٹھ آئی ای ڈی حملوں اور مسلح حملوں کے ذریعے فورسز کو نشانہ بنایا، جس کے نتیجے میں فریقین کے مابین جھڑپیں بھی جاری رہیں۔