شازین بلوچ کی خود کشی یا قتل؟

تحریر: حانی بلوچ

شازین بگٹی جن کی عمر تیرہ سال معصوم چہرہ اور خودکشی اس سے زیادہ تکلیف دہ وجہ خودکشی انسانیت رکھنے والا شاید اس موت کے درد سے دامن نہیں چھڑا سکے گا۔

جلتا بلوچستان , سسکتا بلوچستان ،لہو لہان بلوچستان ان جملوں کو کیا صرف لفظ سمجھ کے پڑھا جاتا ھے کیا کبھی کسی نے ان کے پیچھے بلوچ کے دردکو سمجھنے کی کوشش کی؟ شاید ہاں شاید نہیں بلوچستان درد تکلیف ظلم وبریت بھوک پیاس بیماری روڈ ایکسڈینٹ بم بلاسٹ فوجی آپریشن ٹارگٹ کلنگ غرض ظلم کی ہر داستان قدم قدم پہ ملیگی ہر صبح کی طرح ایک صبح شازین بگٹی کی خود کشی کی خبر کے ساتھ طلوع ھوئی بار بار اس خبر کو پڑھا13 سال کی عمر پچپن کی سرحدیں جوانی کے قریب ھوتی ہیں خواب بدلنا شروع ھوتے ہیں حوصلے جوانی کی طرف قدم بڑھانے کے جذبوں سے سرشار بلندیوں کو چھونے کے خواب دیکھ رھے ھوتے ہیں پر شومئ قسمت شازین اس زمین کا بیٹا جہاں چار بڑے گیس فیلڈ ہیں جہاں سے پنجاب کی فیکڑیاں اور ہر گھر کا چولہا جلتا ھے پر حقیقی وارث بھوک و افلاس کے ہاتھوں خود کشی کرنے پر مجبور ھوتا ھے ریاست قاتل ھے ہر اس شازین کی جس کو بھوک و بے بسی کے ہاتھوں اپنی جان دینی پڑی ہر وہ نمائیدہ جو بلوچ کے نام کے ساتھ بلوچ کی عزت وناموس بلوچ کی زر و زمیں کا سوداگر ھے ہر وہ بلوچ جو ان قاتلوں کے ظلم کے سامنے خاموش ھے ہر شخص جو ان سوداگروں کی گاڑیوں پر پھول برساتا ھے ہر وہ شخص جو ان بے ضمیر بلوچوں کو نمائیدہ بنا کر اسمبلیوں تک پہنچاتاھے تاکہ جابر غاصب اور قاتل ریاست کے ہاتھ مضبوط ھوں آج ہر بلوچ کو اپنا گریبان خود پکڑنا ھو گا خود کو اپنے ضمیر کے کٹہرے میں کھڑا کرنا ھو گا اپنا احتساب کرنا ھو گا اپنے اندر کے خوف بے ضمیری خود غرضی کا گلہ گھونٹنا ھو گا ورنہ کل کا شازین ھم میں سے تم میں سے کوئی بھی ہو سکتا ہے ایک بار پھر الیکش قریب ھے اور یہ سوداگر اپنی اپنی چمکتی گاڑیوں میں زخمی بلوچستان کو روندتے ھوئے قابض ریاست کی قبضہ گیریت کو مزید مضبوط کرنے ہر بلوچ کے دروازے پہ آئیں گے آپ کی بے بسی کا سودا لگانے 75سالہ غلامی اور قربانیوں نے کم از کم آج بلوچ کو یہ تو سیکھا دیا جو اپنے ضمیر کا سودا کر چکے ہیں. وہ سوداگر تو ھو سکتے ہیں مسیحا نہیں۔