عام بلوچ کی دماغ اور قابض ریاستی کھیل – مہری بلوچ

تحریر: مہری بلوچ

ہمیشہ قابضوں کی طرح بلوچستان پر قابض ریاستء پاکستان نے بھی اپنا قبضہ برقرار رکھنے اور بلوچ جہد کو ناکام کرنے کےلئے مختلف کھیلوں اور سازشوں کو برقرار رکھا ہے
جیسا کہ بلوچ کو زمینوں کہ نام پر یا زبانوں کہ نام پر یا علاقے اور قبیلوں کہ نام پر تقسیم کرنا یا ایمان یا مذہب کہ نام پہ مختلف مقامات پر مختلف طریقوں کو اپنایا جا رہا ہے
اور بلوچ کے دماغ سے کھیلا جارہا ہے با شعور بلوچوں کو تو شروع دن سے معلوم تھا کہ قابض پاکستان اور اس کہ کرائے کے قاتل فوج بلوچ ساحل اور وسائل کے لوٹ مار کےلئے مختلف حربے استعمال کررہا ہے
مگر عام بلوچ کو سمجھنے میں وقت لگا ان کو معلوم نہیں تھا کہ انکو کتنے بڑے دھوکے (جال) میں رکھا جا رہا تھا
ٹھیک اسی طرح جیسے مجھے بھی سمجھ نہیں آرہا تھا جب میں بچپن میں لوگوں کو عورتوں کو دھرنا دیتے یا جلسہ و جلوس کرتے دیکھتا تھا تو مجھے کچھ سمجھ نہیں آتا تھا بہت سارے سوالات میرے زہن میں جنم لینے لگتے جیسے کہ لوگ دھرنا کیوں دیتے ہیں؟ لوگوں کے گھر والوں کو کون آغوا کرتا ہے؟ کیوں کرتے ہیں؟ اگر ہم سب مسلمان ہیں تو موت اور اغواہ صرف بلوچ کےلئے کیوں؟ اور اس پر دوسرے قوموں کی خاموشی کیوں؟ سب سے بڑا سوال علماء اور دینداروں کی خاموشی کیوں؟
کافی سارے سوالات جن کے جوابات کی تلاش کے لیے میں ہر جان پہچان والوں پیش اماموں اور تبلیغی جماعتوں سےہر ملنے والے انسانوں سےسوال پہ سوال کرتا تھا
مگر جواب ہر کسی کہ مختلف تھے کوئی کہتا کہ یہ انڈیا کرا رہا کوئی کہتا اسرائیل ہمیں آپس میں لڑا رہا ہے تو کوئی کہتا یہ ہماری خدا سے دوری کا سبب ہے مگر وغیرہ وغیرہ مگر میرا زہن ان جوابات سے کبھی مطمئن نہیں رہا
چونکہ میں ایک عام بلوچ تھا میرا گھر یا خاندان اتنا پڑھا لکھا تو نہیں تھا تو اس لئے مجھے بہت ساری حقائق کا علم نہیں تھا
اوپر سے قابض ریاست کی طرف سے تعلیم سے محرومی کے منصوبے کا شکار تھا مگر ایک دن جب میں نے پہلی بار مادرے بلوچستان (شھید لمہ کریمہ بلوچ) کی باتیں سنی تو جتنے سوالات میرے زہن میں تھے جیسے لمہ ان سب کی جواب دے رہا تھا جیسے جیسے میں لمہ کو سنتا گیا میرے ذہن سے پاکستان کی بچائی جال سامنے آتا گیا تو میں سمجھنے لگا کہ ایک عام بلوچ کے دماغ سے کس قدر قابض ریاست کھیل رہا ہے اور اس کو زہنی الجھنوں میں مشغول رکھ کر وہ کس طرح اپنے لالچ اور لوٹ مار کو جاری رکھ رہا ہے
اور جب بھی کوئی بلوچ نوجوان لمہ کریمہ بلوچ جیسے بہادر اور باشعور لوگوں کی جد وجہد اور قربانیوں سے اس دماغی کھیل سے نکلنے میں کامیاب رہتے رہے تو قابض ریاست ان پر اپنے دوسرے منصوبہ جو جبری گمشدگی یا مسخ شدہ لاشوں کا ہے وہی استعمال کرکے انکو خاموش کرنے کی کوشش کرتا ہے مگر شھید لمہ کریمہ بلوچ اور ہمارے دوسرے شہداء اور جھدکاروں کی جدوجہد اور قربانیوں کی برکت آج عام بلوچ بھی قابض کے اصلی چہرے سے بخوبی واقف ہوچکا ہے