فوجی آپریشن میں 25 ہزار سےزائد مہاجروں کو قتل کیا گیا اور ہزاروں مہاجروں کو ان کے والدین کے سامنے گرفتار کرکے لاپتہ کیا جو آج تک لاپتہ ہیں۔ الطاف حسین

فوجی آپریشن میں 25 ہزار سےزائد مہاجروں کو قتل کیا گیا اور ہزاروں مہاجروں کو ان کے والدین کے سامنے گرفتار کرکے لاپتہ کیا جو آج تک لاپتہ ہیں۔ الطاف حسین

ایم کیو ایم کے بانی و قائد الطاف حسین نے پیر 26 مئی 2025 کو اپنے لائیو خطاب میں نریندر مودی کو مخاطب کرتے ہوئے کہا، محترم نریندر مودی صاحب وزیراعظم انڈیا میں آپ کے اس مؤقف سے نہ صرف سہمت ہوں کہ آپ مظلوم بلوچ عوام کے حق میں publicly آواز اٹھاتے ہیں بلکہ اس جرات و ہمت پر آپ کو خراج تحسین بھی پیش کرتا ہوں مگر افسوس کے ساتھ آپ کی خدمت میں یہ بھی عرض کرنا چاہتا ہوں کہ پاکستان کی ملٹری اسٹیبلشمنٹ نے تقسیمِ ہند کے بعد ہندوستان سے آنے والے مہاجروں اور ان کی اولادوں کو آج تک نہ صرف یہ پاکستانی تسلیم نہیں کیا بلکہ پاکستان میں رہنے والے مہاجروں اور مظلوم قومیتوں کےحقوق کے لئے آواز اٹھانے والی واحد سیاسی جماعت متحدہ قومی موومنٹ کےخلاف بار بار فوجی آپریشن کئے، 25 ہزار سےزائد مہاجروں کا قتل کیا اور ہزاروں مہاجروں کو ان کے والدین کے سامنے گرفتار کرکے لاپتہ کیا جو آج تک لاپتہ ہیں۔ بات یہیں تک ختم نہیں ہوجاتی بلکہ 23 مئی 2025 کو پاکستانی نژاد امریکیوں نے حالیہ پاک بھارت جنگ میں پاکستانی فوج کی خود ساختہ جیت پر یوم تشکر منانے کے سلسلےمیں ریاست ٹیکساس کے شہر ڈیلس میں ایک پروگرام کا انعقاد کیا جس میں ہیوسٹس ٹیکساس میں پاکستانی قونصل جنرل آفتاب چوہدری مہمان خصوصی تھے۔ اس تقریب میں پاکستانی قونصل جنرل نے منتظمین کو ایک وڈیو پیش کی اور منتظمین سے کہا کہ یہ پانچ منٹ کی ڈاکومنٹری ہے، اسے شرکائے تقریب کو ضرور دکھا دیجئے۔ میں اس فلم کی کاپی بھی آپ کو روانہ کر رہا ہوں جس میں سات کروڑ مہاجروں کو اور ان کی متفقہ جماعت ایم کیو ایم جس کا قائد میں یعنی الطاف حسین ہوں، کے بارے میں وڈیو دکھا کر عوام میں یہ کھلا تاثر دیا کہ الطاف حسین اور سات کروڑ مہاجر انڈین ایجنٹ ہیں اور انڈیا ایم کیو ایم کو فنڈز فراہم کرتا ہے۔
میری آپ سے مؤدبانہ درخواست ہے کہ آپ خدارا مظلوم مہاجروں کا مقدمہ بھی بین الاقوامی سطح پر اٹھائیں اور مہاجروں کی اولادوں کی جان و مال کے تحفظ کے لئے انسانی حقوق کی انجمنوں تک یہ آواز پہنچا کر مہاجروں کی جان و مال کا تحفظ کرانے میں تعاون کریں ۔
اب جبکہ پاکستان کی ملٹری اسٹیبلشمنٹ نے ایم کیو ایم ، مہاجروں اور الطاف حسین کو صاف صاف انڈین ایجنٹ کہہ دیا ہے تو آپ کو بھی مظلوم مہاجروں کی آواز اٹھانے میں کسی قسم کی ہچکچاہٹ یا شرم کرنے کی کوئی ضرورت نہیں ہے۔
مہاجر عوام نہ صرف نہتے اور بے بس ہیں بلکہ کسمپرسی کی زندگی گزارنے پر مجبور ہیں کیونکہ ان کی آواز پر دھیان دینے والا پاکستان میں کوئی نہیں ہے۔اسی لئے گزشتہ 61 سالوں سے مہاجروں کا وقتاً فوقتاً معاشی وجسمانی قتل عام کیا جارہا ہے۔ خدارا مظلوم مہاجروں کے لئے آواز اٹھائیے۔