پاکستانی فضائی حملے میں ایک خاتون اور نو بچے جاں بحق ہوئے– ذبیح اللہ مجاہد

پاکستانی فضائی حملے میں ایک خاتون اور نو بچے جاں بحق ہوئے– ذبیح اللہ مجاہد

افغانستان کے حکومتی ترجمان کا کہنا ہے کہ پاکستان نے صوبہ خوست میں ایک گھر پر بمباری کی ہے جس کے نتیجے میں 10 بچے اور خواتین جاں بحق ہوئے ہیں جبکہ کنڑ اور پکتیکا میں ہونے والے فضائی حملوں میں مزید چار افراد زخمی ہوئے ہیں۔

ترجمان ذبیح اللہ مجاہد نے سوشل میڈیا پلیٹ فارم ’ایکس‘ پر جاری بیان میں دعویٰ کیا ہے کہ صوبہ خوست کے ضلع گربزو میں پیر اور منگل کی درمیانی شب لگ بھگ 12 بجے بمباری کی گئی جس کے نتیجے میں مقامی شہری ولایت خان کا مکان نشانہ بنا۔

ذبیح اللہ مجاہد کا کہنا ہے کہ اس کارروائی میں نو بچے اور ایک خاتون ہلاک ہوئے ہیں۔ انھوں نے سوشل میڈیا پر اس حملے میں ہلاک ہونے والے بچوں کی تصاویر بھی جاری کیں ہیں۔

انھوں نے مزید کہا کہ کنٹر اور پکتیا میں بھی فضائی حملے کیے گئے ہیں جس میں کم سے کم چار شہری زخمی ہوئے ہیں۔

صوبہ کنٹر کے مقامی افراد نے بی بی سی پشتو کو بتایا کہ گذشتہ رات گئے انھوں نے مراوارہ، اسد آباد اور شیلطان کے علاقوں میں بڑے دھماکوں کی آوازیں سُنی ہیں۔