پاکستان: انسانیت کے لئے ناسور یا ایٹمی بلیک میل کا مرکز؟ دی بلوچ سرکل

دنیا کو یہ حقیقت تسلیم کرنی چاہیے کہ پاکستان ایک “معمولی ریاستی مسئلہ” نہیں ہے بلکہ ایک ایسا ناسور ہے جس کا اثر پورے انسانی تمدن پر پڑ سکتا ہے۔ ایک ایسی قیادت جو کھلے عام دنیا کو یہ کہے کہ “اگر ہم ڈوبیں گے تو آدھی دنیا کو ساتھ لے کر ڈوبیں گے”، وہ صرف اپنے عوام کو ہی نہیں بلکہ پوری انسانیت کو ایٹمی بلیک میل کا شکار بنا رہی ہے۔

یہ رویہ کسی ذمہ دار ایٹمی ریاست کا نہیں بلکہ ایک خطرناک کینسر کا ہے جسے نظرانداز کرنا آئندہ نسلوں کے ساتھ خیانت ہوگی۔

دنیا کو آنکھیں کھولنی ہوں گی۔ اقوامِ متحدہ، بڑی طاقتیں اور عالمی برادری اب مزید آنکھیں بند نہیں رکھ سکتیں۔ پاکستان کو ایک “ سادہ سا مسئلہ” یا “علاقائی تنازع” کہہ کر خاموش ہونا خطرناک خوش فہمی ہے۔ یہ غیر فطری ریاست اپنے وجود کو قائم رکھنے کے لئے پوری دنیا کو دیشتگردی کے نام پر بلیک میل کر رہی ہے۔

سوال یہ ہے کہ دنیا کس کے ساتھ کھڑی ہو؟

دنیا کے سامنے دو راستے ہیں۔ ایک طرف وہ طاقتیں اور ادارے ہیں جو دہشت، دھمکی اور ایٹمی بلیک میل کے
سہارے دنیا کو یرغمال بنانا چاہتے ہیں۔ داعش سمیت نام نہاد جہادی پراکسیزز کے ذریعہ ریاستی پالیسی کے تحت بلوچستان، افغانستان اور ہندوستان میں امن و امان کو تہہ و بالا کر رہے ہیں۔ جس کے سبب اس خطہ میں انسانیت پاکستان کے ہاتھوں بلک رہی ہے۔

دوسری طرف وہ مظلوم قومیں ہیں جن میں بلوچ، پشتون، سندھی اور دیگر محکوم عوام جو اپنے وسائل، اپنی شناخت اور اپنے مستقبل کے ساتھ دنیا کے ساتھ تجارت، امن اور برابری کی بنیاد پر اخلاقی شراکت داری چاہتے ہیں۔

یہ قومیں وہ حقیقی شراکت دار ہیں جنہیں دنیا کے ساتھ چلنے کی خواہش ہے، نہ کہ دنیا کو ایٹمی دھمکیاں دینے کی۔

اس خطہ کو نئے سیاسی و جغرافیائی نقشے کی ضرورت ہے دنیا کو چاہیے کہ وہ حقیقت کا سامنا کرے اور خطے میں نئی و قومی ریاستوں کی تشکیل پر غور کرے اور محکوم اقوام کی تحریکوں کے خواہشات کا احترام کر کے انکے مطالبات تسلیم کرے—ایسی تاریخی ریاستیں جو عالمی نظام کے ساتھ ہم آہنگ ہوں، جو تجارت، توانائی اور انسانی حقوق کی بنیاد پر دنیا کا حصہ بننا چاہتی ہوں۔ بلوچ، پشتون، سندھی اور دیگر قومیں ایسے مستقبل کی خواہاں ہیں جو دنیا کے لئے خطرہ نہیں بلکہ دنیا کے ساتھ ترقی کی دوڑ میں شریک ہو۔

آج دنیا کے لئے فیصلہ کن لمحہ ہے
پاکستان اب ایک ریاست نہیں بلکہ ایک مسلسل خطرہ ہے—ایک ناسور، ایک کینسر، جو وقت کے ساتھ پھیل رہا ہے۔ دنیا کو یہ فیصلہ آج کرنا ہوگا کہ آیا وہ اس بلیک میل کا شکار بنتی رہے گی، یا ان مظلوم قوموں کا ساتھ دے گی جو دیشتگردی سے پاک ریاستوں کی شکل میں ترقی امن اور انسانی آزادی کی ضمانت ہونگے۔