پاکستان سمیت تمام ممالک امریکہ سے تجارتی معاہدہ کرنے میں محتاط رہیں۔ چین نے اتنباہ جاری کردیا

پاکستان سمیت تمام ممالک امریکہ سے تجارتی معاہدہ کرنے میں محتاط رہیں۔ چین نے اتنباہ جاری کردیا

پاکستان سمیت تمام ممالک امریکہ سے تجارتی معاہدہ کرنے میں محتاط رہیں۔ چین نے اتنباہ جاری کردیا۔ چین نے خبردار اور سخت وارننگ دیتے ہوئے کہا ہے کہ امریکا کے ساتھ تجارتی معاہدے کرنے والے ممالک محتاط رہیں ۔ چین نے دنیا بھر کے ممالک کو سخت وارننگ جاری کرتے ہوئے کہا ہے کہ وہ امریکا کے ساتھ ایسے تجارتی معاہدے کرنے سے گریز کریں جو بیجنگ کے مفادات کو نقصان پہنچائیں، یہ وارننگ ایسے وقت سامنے آئی ہے جب دنیا کی دو بڑی معیشتوں کے درمیان تجارتی جنگ اپنے عروج پر ہے ۔

ٹرمپ انتظامیہ ایسے ممالک پر دباو نے ڈالنے کی تیاری کر رہی ہے جو امریکا سے محصولات میں کمی کے خواہاں ہیں تاکہ وہ چین کے ساتھ تجارت محدود کریں ۔ چین کی وزارت تجارت نے ایک بیان میں کہا ہے کہ مصالحانہ رویہ امن نہیں لاتا اور خوش آمد عزت نہیں لاتا۔ چین نے خبردار کیا ہے کہ اگر کوئی ملک اپنے وقتی مفادات کے لیے چین کے مفادات کو قربان کرتا ہے تو یہ طرز عمل ناکامی پر منحصر ہو گا اور تمام فریقین کو نقصان پہنچائے گا۔ چینی وزارت تجارت کے ترجمان نے واضح کیا ہے کہ چین اپنے مفادات کے خلاف کسی بھی معاہدے کا مخالفت کرے گا اس لیے تمام ممالک محتاط رہیں۔ چین امریکا کیساتھ تجارتی معاہدے کرنے کی سختی سے مخالفت کرے گا اور اگر ایسی صورت حال پیدا ہوئی تو چین بھرپور جوابی اقدامات کرے گا۔ بیان میں کہا گیا ہے کہ امریکا کی جانب سے محصولات کا ناجائز استعمال اور دوسرے ممالک پر برابر کے محصولات کے نام پر دباو ڈالنا ناقابل قبول ہے ۔ چین نے کہا ہے کہ وہ اپنے حقوق اور مفادات کا بھر پور دفاع کرنے کی صلاحیت رکھتا ہے اور عالمی برادری کے ساتھ یک جہتی مضبوط
بنانے کے لیے تیار ہے ۔