پاکستان کی ریاست نے do or die کی صورتحال بلوچ قوم کے لیے پیدا کر دی ہے بلوچ قوم ماہ رنگ بلوچ و سیاسی کارکنوں کی گرفتاریوں کیخلاف متحد ہوکر نکلیں۔ میر جاوید مینگل

پاکستان کی ریاست نے do or die کی صورتحال بلوچ قوم کے لیے پیدا کر دی ہے بلوچ قوم ماہ رنگ بلوچ و سیاسی کارکنوں کی گرفتاریوں کیخلاف متحد ہوکر نکلیں۔ میر جاوید مینگل

پاکستان کی ریاست نے do or die کی صورتحال بلوچ قوم کے لیے پیدا کر دی ہے۔ اب بلوچ کسی بھی گروہی تقسیم سے بالاتر ہو کر بحیثیتِ قوم یکجا ہو کر ریاستی ظلم و جبر، ڈاکٹر ماہ رنگ بلوچ سمیت دیگر سیاسی کارکنوں کی غیر قانونی گرفتاریوں اور جبری گمشدگیوں کے خلاف متحد ہو کر باہر نکلیں۔ یہ بلوچ قوم کے لیے ایک امتحان کی گھڑی ہے اور اگر آج ریاست کے مظالم پر خاموشی اختیار کی گئی تو آنے والی نسلوں پر نوآبادیاتی جبر مزید تیز کر دیا جائے گا اور جبری گمشدگیوں و نسل کشی میں مزید شدت آئے گی کیونکہ ہمارا واسط ایک ایسے بزدل مکار اور کم ظرف دشمن سے پڑا ہے جس کی نہ تو کوئی تہذیب ہے اور نہ ہی ایمان۔
بلوچ قوم کو چاہیے کہ بڑی تعداد میں باہر نکل کر شدید سیاسی ردِعمل کا اظہار کریں اور کسی پارلیمانی جماعت، مذہبی گروہ یا کسی اور کی مدد کے انتظار کیے بغیر اپنا احتجاج کریں بلوچ قوم سے دست بستہ اپیل کرتے ہیں کہ خدارا وہ لوگ جو اپنے آپ کو سردار عطا اللہ، نواب خیر بخش اور شہید نواب اکبر خان کے پیروکار مانتے ہیں انہیں آج سرزمینِ بلوچستان چیخ چیخ کر پکار رہی ہے کہ اُٹھو اپنے ننگ و ناموس کی خاطر، اپنی آنے والی نسلوں کی خاطر اپنی ذمہ داریوں کا احساس کرو۔
ان پارلیمانی پارٹیوں کے منتظر مت بیٹھو یہ ہر کوئی اپنا اُلو سیدھا کرنے میں لگا ہوا ہے۔ یہ صرف سوگ اور کانفرنسوں میں ہی عوام کو الجھائے رکھتے ہیں۔
اگر آج ہماری خواتین ،بچے اور بزرگ محفوظ نہیں ہیں تو ہماری خاموشی، ہٹ دھرمی اور گروہی مفادات ہمارے وجود کے لیے خطرہ بن جائیں گے۔