پاکستان کے عدالتی نظام پر بلوچ قوم کو نہ کبھی مکمل اعتماد رہا ہے اور نہ اب کوئی خاص امید ہے۔  میر جاوید مینگل

پاکستان کے عدالتی نظام پر بلوچ قوم کو نہ کبھی مکمل اعتماد رہا ہے اور نہ اب کوئی خاص امید ہے۔  میر جاوید مینگل

پاکستان کے عدالتی نظام پر بلوچ قوم کو نہ کبھی مکمل اعتماد رہا ہے اور نہ ہی اب کوئی خاص امید ہے کیونکہ پاکستان کے انصاف کا یہ نظام ہمیشہ سے اسٹیبلشمنٹ کے زیرِ اثر رہا ہے۔
مقبوضہ بلوچستان میں نواب نوروز خان کو دی جانے والی عمر قید اور ان کے ساتھیوں کو سنائی جانے والی سزائے موت، 1970 کی دہائی میں نیشنل عوامی پارٹی (نیپ) کی قیادت کے خلاف دائر کردہ نام نہاد "حیدرآباد سازش کیس” میں عدلیہ کا جانبدارانہ رویہ یا حالیہ دنوں میں ڈاکٹر ماہ‌رنگ بلوچ اور BYC کے رہنماؤں کے خلاف 3MPO کے تحت کارروائیاں یہ تمام واقعات اس امر کا واضح ثبوت ہیں کہ پاکستان کا عدالتی نظام غیرجانبدار اور آزاد ہونے کے بجائے فوج کے زیرِ اثر ہے۔
جبری لاپتہ افراد کے کیسز میں بھی عدالتوں کا کردار نہایت منفی اور جانبدارانہ رہا ہے۔ مقبوضہ بلوچستان میں ہزاروں افراد کو جبری طور پر لاپتہ کیا گیا اور ان میں سے کئی کو ماورائے عدالت جعلی مقابلوں میں قتل کر دیا گیا لیکن اس سنگین انسانی حقوق کی خلاف ورزی پر عدلیہ کی خاموشی دراصل ریاستی اداروں کی معاونت کے زمرے میں آتی ہے۔ عدالتیں نہ صرف ان گمشدگیوں پر سنجیدگی سے کارروائی کرنے میں ناکام رہیں بلکہ بیشتر مواقع پر ان مظلوم خاندانوں کی فریاد کو نظرانداز کیا گیا جس سے عدلیہ کی غیرجانبداری پر مزید سوالات اٹھے ہیں۔
یہ کہنا بے جا نہ ہوگا کہ جیسے بھیڑوں کے ایک پورے ریوڑ کو ایک کتا کنٹرول کرتا ہے ویسے ہی پاکستان کے عدالتی نظام کو اسٹیبلشمنٹ نے یرغمال بنا رکھا ہے۔