‏پنجابی سامراج نے بلوچوں کی نسل کشی کے لیے بلوچستان میں فوجی آپریشن کرنے کی سازش تیار کی ہے۔ہم سندھی اس آپریشن میں بلوچوں کے ساتھ کندھے سے کندھا ملا کر ایک جسم ایک جان بن کر کھڑے ہوں گے۔ شفیع برفت

نیشنل ایپکس کمیٹی کے نام پر پنجابی سامراج نے ریاستی دہشتگردی کے ذریعے بلوچ قوم کی نسل کشی کرنے کی سازش تیار کی ہے،ہم سندھی اس صورتحال میں بلوچ بھائیوں کے ساتھ کندھے سے کندھا ملا کر کھڑے ہوں گے اور پنجابی فاشزم، سفاکیت اور بربریت کے خلاف ایک چٹان کی طرح کھڑے ہوں گے.سندھیوں اور بلوچوں کا جینا اور مرنا کٹھے ہے، اس لیے بلوچوں کے خلاف ہونے والے کسی بھی ریاستی جبر، فاشزم، بربریت اور نسل کشی پر غیرجانبداری اختیار کرنا بے ضمیری اور بزدلی ہوگی. جیونیوز پر بتایا گیا ہے کہ فوجی اسٹیبلشمنٹ، پنجابی سیاسی اشرافیہ اور ان کے دلالوں نے مل کر فوجی آپریشن کے ذریعے بلوچوں کی نسل کشی کا فیصلہ کیا ہے. ایسی صورتحال میں ہم جسمم (جیے سندھ متحدہ محاذ) کی طرف سے واضح اور کھلے الفاظ میں اعلان کرتے ہیں کہ ہم اس صورتحال میں ریاستی جبر، فاشزم اور بربریت کے خلاف بلوچوں کے ساتھ کھڑے ہوں گے. ہم سمجھتے ہیں کہ موجودہ وقت میں سندھی قوم کی قومی اور تاریخی ذمہ داری ہے کہ وہ ہر صورت میں ظلم و جبر کے خلاف مظلوم بلوچ عوام کے ساتھ کھڑے ہوں اور ہم اس کو اپنے عمل سے ثابت کریں گے کہ ہماری تمام تر نفرتوں اور مزاحمت کا رخ پنجابی استعماریت کی طرف ہوگا. جسمم کی جانب سے بلوچ قوم کے خلاف جاری پنجابی سامراج کی جارحیت، فاشزم اور نسل کشی کے فیصلے کی بھرپور مذمت کرتے ہوئے ہم سندھ کی قومی تحریک کی جانب سے بلوچ بھائیوں کے ساتھ مکمل یکجہتی اور عملی ساتھ دینے کا اعلان کرتے ہیں .ہم سمجھتے ہیں کہ بلوچ اور سندھی قوم تاریخی، ثقافتی اور وجودی طور پر ایک دوسرے کے ساتھ جڑے ہوئے ہیں. بلوچوں کی جدوجہد صرف ان کی بقا کا مسئلہ نہیں بلکہ یہ تمام مظلوم قوموں کی آزادی، خودمختاری اور بقا کی علامت ہے، اور بلوچ مزاحمت کی کمزوری تمام مظلوم قوموں کی کمزوری اور بدقسمتی ثابت ہوگی جس کو ہم کسی بھی قیمت پر کمزور ہونے نہیں دینگے . اس لیے ہم کسی بھی صورت میں ریاستی فاشزم اور بربریت کے خلاف بلوچوں کو اکیلا اور تنہا نہیں چھوڑیں گے اور پنجابی سفاکیت اور جارحیت کے خلاف سندھی قوم بلوچوں سے کندھے سے کندھا ملا کر ساتھ کھڑے ہونگے .سیاسی سفارتی محاذ سے لے کر مزاحمتی تحریکوں تک، ہم بلوچوں کے ساتھ آواز سے آواز ملا کر کھڑے ہونگے. موجودہ وقت بلوچوں کے لیے ایک آزمائش اور امتحان کی گھڑی ہے، جس میں سندھی قوم اور خاص طور پر سندھ کی سیاسی، قوم پرست تنظیمیں اور قومی تحریک کسی بھی صورت میں بلوچ بھائیوں کو اکیلا نہیں چھوڑے گی.
ہم مرنے اور جینے میں ساتھ رہینگے ، اس لیے ہم بلوچ بھائیوں کے ساتھ کندھے سے کندھا ملا کر میدان میں کھڑے ہونے کا عہد کرتے ہیں. بلوچستان میں نیشنل ایپکس کمیٹی کے تحت دہشتگردوں کے خلاف فوجی آپریشن کی آڑ میں بلوچوں کی نسل کشی کی جو سازش تیار کی جا رہی ہے، ہم عالمی برادری کو بھی اس سے آگاہ کرتے ہیں کہ یہ ایسا قدم ہے جو مزید انسانی المیے، خونریزی اور تاریخی قوموں کو مستقل غلام بنانے کا سبب بن سکتا ہے. ہمارا یہ بھی واضح اور دوٹوک مؤقف ہے کہ بلوچ دہشتگرد نہیں ہیں بلکہ یہ ریاست اور پنجابی فوج خود دہشتگرد اور مکّار ہیں. اس صورتحال میں عالمی برادری کو بھی تاریخی قوموں کی آزادی کے ساتھ کھڑے ہونے اور اس غیر فطری دہشتگرد ریاست کے خلاف تاریخی قوموں کی سیاسی اور سیکولر جدوجہد کے ساتھ شامل ہونے کی ضرورت ہے. ہم سمجھتے ہیں کہ یہ صورتحال پاکستانی ریاستی سامراجیت، سفاکیت اور مظلوم قوموں کی استعماری غلامی کے تضاد کی انتہا ہے. لہذا خطے کی تمام قوموں سمیت خود پنجاب کے دانشوروں کو پنجابی سامراجیت اور استعماریت کے خلاف تاریخی قوموں کی قومی آزادی کے مؤقف اور جدوجہد کے ساتھ کھڑا ہونا چاہیے جو کے ایک ترقی پسند سیاسی عمل ہوگا. موجودہ حالات میں غیر فطری ریاست پاکستان کے خلاف بلوچوں کی اس پرعزم جدوجہد کے ساتھ خطے کی تمام سیاسی جماعتوں، ترقی پسند حلقوں، دانشوروں اور ادیبوں کو کھل کر کھڑے ہونے کی ضرورت ہے. وقت آ گیا ہے کہ پاکستانی جبری الحاق، ریاستی استعماری قبضے اور پنجابی فاشزم کو نہ صرف بے نقاب کیا جائے بلکہ تاریخی قوموں کی قومی آزادی کے سیاسی سوال اور عملی جدوجہد میں پنجاب کے خلاف ایک وسیع اتحاد بنا کر پنجابی سامراجیت کو بنگالی قوم کی طرح شکست دی جائے. ہم سمجھتے ہیں کہ یہ درست وقت ہے کہ مظلوم قوموں کے سیاسی رہنما، قومی کارکنان ، دانشوروں ، اور باشعور عوام مل کر پنجابی استعماریت اور سامراجیت کے خلاف ایک وسیع سیاسی اور مزاحمتی متحدہ محاذ تشکیل دیں اور تاریخی قوموں کی آزادی کے لیے پرعزم سیاسی جدوجہد اور قومی و تاریخی مزاحمت کو تیز کریں.
پنجابی سامراج کی بربریت اور فاشزم مظلوم قوموں کے خلاف پہلے دن سے جاری ہے. ریاست میں قید قوموں کے قدرتی وسائل پر پنجاب کا جبری قبضہ ہے، پنجاب پاکستان میں قید قوموں کا معاشی استحصال کر رہا ہے، قوموں کی ثقافت، زبان، اور تاریخ کو مٹانے کی سازشیں کی جا رہی ہیں. مظلوم قوموں کی سیاسی جدوجہد کو ختم کرنے کے لیے ریاستی دہشتگردی اور فاشزم کا استعمال کیا جا رہا ہے. تاریخی قوموں کی سیاسی، سیکولر جدوجہد اور قومی تحریکوں پر ریاست کی طرف سے پابندیاں لگائی جا رہی ہیں، اور بنیاد پرستی، نسل پرستی، اور دلال جاگیرداروں اور سرداروں کی ریاستی سرپرستی کی جا رہی ہے. تاریخی قوموں کو پنجاب اپنی کالونیاں بنا کر ان کے قومی وجود، وطنی تشخص، اور زبانوں کو مسمار کرنے کی سازشیں کر رہا ہے. اسی لیے پنجابی استعماریت کے خلاف تاریخی قوموں کی قومی آزادی کی جدوجہد آج کا سب سے بڑا سیاسی سچ اور تاریخی ضرورت ہے، جس پر تمام باشعور لوگوں کو سنجیدگی سے کردار ادا کرنے کی ضرورت ہے. غیر فطری پاکستانی ریاست تاریخی قوموں کے وجود کے لئے ایک بڑا خطرہ اور زہر قاتل ثابت چکی ہے، اس لیے پاکستان کے خلاف جدوجہد کسی ایک قوم کا مسئلہ نہیں بلکہ تمام مظلوم تاریخی قوموں کی بقا کا مشترکہ مسئلہ ہے. ہم سمجھتے ہیں کہ اس وقت پنجابی استعماریت نے بلوچوں کی نسل کشی کا جو فیصلہ کیا ہے، وہ فیصلہ تمام تاریخی قوموں کے خلاف پنجاب کی سامراجی ذہنیت، قابض سوچ، اور دشمنی کی عکاس ہے.
اسی لیے جسمم واضح مؤقف اختیار کرتے ہوئے یہ اعلان کرتی ہے کہ بلوچوں کے خلاف نام نہاد ایپکس کمیٹی کے ذریعے جو فوجی آپریشن کا مجرمانہ فیصلہ کیا گیا ہے، اسے ہم ریاست کی جانب سے تمام تاریخی قوموں کے خلاف پنجابی سفاکیت اور بربریت سمجھتے ہیں. ہم سمجھتے ہیں کہ اس آپریشن کے ذریعے پنجابی سامراج پہلے مرحلے میں بلوچ قوم کی نسل کشی کرنا چاہتا ہے، جس کے بعد یہ سامراجی طاقت سندھی قوم کے خلاف بھی فوجی آپریشن کا دائرہ وسیع کرتے ہوئے اسے سندھ تک لے جائے گی. پنجاب کی سازشی حکمت عملی یہ ہے کہ ہر قوم کو اکیلا اور تنہا کر کے اس کے وجود کے خلاف آپریشن کرے اور ایک ایک کر کے تمام قوموں کے خلاف اپنی توسیع پسندی اور استعماری جارحیت کو بڑھائے. اسی لیے مظلوم قوموں کے سیاسی رہنماوں ، دانشوروں ، اور قومی تحریکوں کا یہ تاریخی فرض ہے کہ وہ پنجاب سامراج کی اس بربریت کے خلاف متحد ہو کر اس قبضے کے خلاف تاریخی جدوجہد کو وسیع اور منظم کریں کیوں کے پنجاب تمام مظلوم قوموں کے وجود کا دشمن ہے. بلوچستان میں جاری جدوجہد ایک تاریخی سیاسی جدوجہد ہے، جو کسی بھی صورت میں دہشتگردی نہیں ہے. ریاست اس آزادی کی سیاسی آواز اور جدوجہد کو کچلنے کے لیے بار بار دہشتگردی کے جھوٹے الزامات لگا کر دنیا کو گمراہ کرنے کی کوشش کرتی رہی ہے. بلوچ قوم کی نسل کشی، جبری گمشدگیاں، اور سیاسی رہنماؤں کے قتل جیسے اقدامات نہ صرف انسانی حقوق کی پامالی ہیں بلکہ ریاست کی سفاکیت، سامراجیت، اور بربریت کو بھی بے نقاب کرتی ہے . پاکستانی ریاست پہلے دن سے خطے میں مذہبی انتہا پسندی اور دہشتگردی کے فروغ مدیتی رہی ہے اور مذہبی انتہا پسندی اور دہشتگردی کی سرپرستی پاکستانی ریاست کی بنیادی پالیسی رہی ہے. تاریخی قوموں کے خلاف معاشی استحصال، سیاسی جبر، فاشزم، اور بربریت ریاست کی اولین ترجیحات میں شامل رہی ہیں، جس کی مثال 1971 میں بنگالیوں کے قتل عام ہے اس کے سوائے ہندستانی کشمیر میں مذہبی دہشتگردی کو فروغ دینا افغانستان میں مداخلت کرنا ، بلوچوں کی نسل کشی، پشتونوں کی نسل کشی، سندھ کو کالونی بنا کر اس کا سیاسی و معاشی استحصال، سندھ کے دریا کے پانی پر پنجاب کا جبری قبضہ، قدرتی وسائل اور زمینوں پر فوج کا قبضہ، سندھ کی تاریخ، زبان اور ڈیموگرافی کے خلاف سازشیں یہ ثابت کرتی ہیں کہ پنجاب سامراج غیر فطری ریاست پاکستان میں تاریخی قوموں کے وجود کو مٹا کر ایک گریٹر پنجابی سلطنت قائم کرنے کی کوشش کر رہی ہے. ہم سندھی قوم کی قومی تحریک کی نمائندہ تنظیم کے طور پر عالمی برادری کو آگاہ کرنا چاہتے ہیں کہ پاکستان اس وقت چین کو خوش کرنے کے لیے بلوچوں پر فوجی آپریشن کی آڑ میں نسل کشی کرنا چاہتا ہے۔ یہ ایک ایسی ریاستی دہشتگردی، سفاکیت، اور بربریت ہے جو بلوچستان میں ایک بہت بڑے انسانی المیے کو جنم دے سکتی ہے۔ بلوچ آبادیوں اور گھروں کو مسمار کیا جائے گا ، نوجوانوں کو بلاوجہ قتل کیا جائے گا ، اور بلوچ قوم کی نسل کشی کی جائے گی.
ان کی جائیدادوں کو لوٹا جائے گا اور گھروں کو مسمار کیا جائے گا جو کام ریاست پہلے بھی کر رہی ہے مگر موجودہ فیصلے کے بعد ریاست اس سفاکیت میں اور تیزی لاناچہتی ہے یہ انسانی حقوق اور قومی وجود کے خلاف ایک سنگین جرم ہے جسے پنجابی سامراج نے بلوچوں کے خلاف انجام دینے کا فیصلہ کیا ہے.
اس لیے ہم اقوام متحدہ اور عالمی برادری سے اپیل کرتے ہیں کہ وہ بلوچوں کے خلاف پنجابی استعماریت، جارحیت اور سفاکیت کا فوری نوٹس لیں. انسانی حقوق کی عالمی تنظیموں کو خاص طور پر اس مسئلے پر توجہ دینی چاہیے. اس صورتحال میں ہم یہ تجویز پیش کرتے ہیں کہ سندھی اور بلوچ قومیں مل کر پنجابی سامراج کے خلاف ایک مضبوط جدوجہد کا آغاز کریں. سندھ کی سیاسی جماعتیں، دانشور، اور عوام ہر میدان میں بلوچ قوم کے ساتھ کھڑے ہوں گے۔ ہم مل کر پنجابی سامراج کی ہر سازش اور فاشزم کو بے نقاب کرتے ہوئے شکست دے سکتے ہیں اور مظلوم قوموں کی آزادی کے لیے بھرپور اور مشترکہ کردار ادا کر سکتے ہیں.
سندھی، بلوچ، پشتون، اور دیگر مظلوم قوموں کو اب ایک پلیٹ فارم پر متحد ہو کر پنجابی استعماریت کے خلاف مشترکہ جدوجہد کا آغاز کرنا ہوگا. پنجابی سامراج کے خلاف جدوجہد ہمارا مشترکہ فرض ہے، جس میں کامیابی ہی ہمارے وجود اور مستقبل کی ضمانت ہے. مشترکہ جدوجہد ہی ہمیں آزادی اور امن کی طرف لے جا سکتی ہے. تاریخی قوموں کی سلامتی، بقا، اور وطن کا تحفظ صرف سندھو دیش اور بلوچستان کی آزادی کے سوال سے جڑا ہوا ہے.
چیئرمین
جیئے سندھ متحدہ محاذ