چشمہ رائٹ بینک کینال کا تاحال بحال نہ ہونا اور حکومتی غفلت ڈیرہ جات کے لوگوں کو بلوچ ہونے کی سزا دی جارہی ہے۔ بلوچ راج تونسہ زون

چشمہ رائٹ بینک کینال کا تاحال بحال نہ ہونا اور حکومتی غفلت ڈیرہ جات کے لوگوں کو بلوچ ہونے کی سزا دی جارہی ہے۔ بلوچ راج تونسہ زون

بلوچ راج تونسہ زون کے ترجمان نے اپنے جاری کردہ بیان میں کہا ہے کہ چشمہ رائٹ بینک کینال ایک طویل عرصے سے حکومتی غفلت اور عدم دلچسپی کا شکار ہے۔ یہ کینال تحصیل تونسہ سمیت ڈیرہ جات کی 606,000 ایکڑ اراضی ، سیراب کرتی ہے۔ جولائی 2022 کے سیلابی ریلوں کی زد میں آ کر مختلف مقامات پر ٹوٹ پھوٹ کا شکار ہوگئی تھی۔ ، جس کی فی الفور بحالی کی اشد ضرورت تھی۔ لیکن بد قسمتی سے یہ ابھی تک طوالت کا شکار ہے۔ حکومت و متعلقہ انتظامیہ کی طرف سے سنجیدہ اقدامات نا کرنا عدم دلچسپی کو ظاہر کرتا ہے۔ جس کے نتیجے میں رواں سال زمینوں کا غیر آباد اور بنجر ہونا ہے۔ پنجاب ایریلیشن ڈیپارٹمنٹ قدرتی آفات کی مد میں ہر بجٹ میں 10.7 بلین روپے وصول کرتا
ہے۔ اس کے باوجود چشمہ رائٹ بینک کینال کی مرمت تاحال نہیں ہو سکی۔ جس بنا پر یہ سمجھا جاسکتا ہے کہ تونسہ سمیت ڈیرہ جات کو ان کی شناخت کی بنا پر سزا دی جارہی ہے۔
ترجمان نے مزید کہا کہ تونسہ کی بیشتر آبادی کا دارومدار کاشتکاری سے وابستہ ہے۔ جن کا انحصار چشمہ رائٹ بینک کینال پر ہوتا ہے۔ رواں سال شہر کی بندش کی وجہ سے یہاں کے لوگوں کی معیشت مفلوج ہو چکی ہے۔ سی آر بی سی کی بندش کے باعث تونسہ میں بے روزگاری، غربت اور بدامنی جیسے حالات پیدا ہو رہے ہیں۔
بلوچ راج تونسہ زون کے ترجمان نے اپنے بیان کے آخر میں کہا کہ بلوچ راج تونسہ زون چشمہ رائٹ بینک کینال کی بحالی کے لیے کمپین کا آغاز کر رہا ہے۔ مختلف مکتبہ ہائے فکر کے لوگوں سے التماس ہے کہ بلوچ راج کے کمپین کا حصہ بنیں